17.08.2026 | 23:08
Զորականում և Ամասիայում շչակներ են փորձարկվելու
Սիրիայում Թուրքիայի օդային հարվածները սպառնում են ԱՄՆ զինվորականների անվտանգությանը․ Պենտագոն
Քաղաքականություն
24.11.2022 | 21:14
Սիրիայի հյուսիսում Թուրքիայի օդային հարվածները սպառնում են ամերիկացի զինվորականների անվտանգությանը, իսկ սրվող իրավիճակը վտանգի տակ է դնում «Իսլամական պետություն» ահաբեկչական խմբավորման դեմ պայքարի տարիների առաջընթացը։ Այս մասին հայտարարել է Պենտագոնը, գրում է Reuters գործակալությունը։
«Վերջին ավիահարվածները Սիրիայում ուղղակիորեն սպառնացել են ԱՄՆ անձնակազմի անվտանգությանը, որոնք աշխատում են Սիրիայում տեղական գործընկերների հետ՝ ԻԼԻՊ-ին հաղթելու և ավելի քան տասը հազար ԻԼԻՊ-ական ձերբակալվածներին պահելու համար»,- ասել է Պենտագոնի խոսնակ, օդուժի բրիգադի գեներալ Փեթ Ռայդերը։
Նա նաև նշել է, որ իրավիճակի սրումը սպառնում է ԻԼԻՊ-ի դեմ պայքարում գրանցված առաջընթացին։ Պենտագոնի խոսնակը նաև հավելել է, որ Միացյալ Նահանգները ճանաչում է Թուրքիայի «անվտանգության օրինական մտահոգությունները»։
«Անհապաղ անհրաժեշտ է ապաէսկալացիա՝ ԻԼԻՊ-ի ջախջախման առաքելության վրա ուշադրությունը պահպանելու և տեղում անձնակազմի անվտանգությունն ապահովելու համար, որոնք պարտավորվել են ջախջախել ԻԼԻՊ-ի առաքելությանը»,- ասել է Ռայդերը։
Հիշեցնենք, որ կիրակի Թուրքիայի իշխանությունները Սիրիայի ու Թուրքիայի հյուսիսում ռազմաօդային գործողություն էին իրականացրել՝ թիրախավորելով նաև խաղաղ բնակավայրերը։
Էմմա Չոբանյան
