25.11.2024 | 23:15
Միրզոյանը շնորհավորել է Վրաստանի ԱԳ նորանշանակ նախարարին
ԵՄ-ն պատրաստում է Ռուսաստանի դեմ պատժամիջոցների իններորդ փաթեթը
Քաղաքականություն
24.11.2022 | 18:17
Եվրամիությունն արագացնում է Ռուսաստանի դեմ պատժամիջոցների նոր՝ արդեն իններորդ փաթեթի նախապատրաստումը Ուկրաինա զինված ներխուժման պատճառով, գրում է DW-ի ռուսական ծառայությունը։
«Մենք քրտնաջան աշխատում ենք, որպեսզի Ռուսաստանին հարվածենք այնտեղ, որտեղ ցավոտ է, և է՛լ ավելի խարխլենք նրա ուժերն Ուկրաինայի դեմ պատերազմի համար»,- Ֆինլանդիա կատարած այցի ժամանակ այս մասին ասել է Եվրահանձնաժողովի նախագահ Ուրսուլա ֆոն դեր Լեյենը։
«Ես համոզված եմ, որ G7-ի և մյուս խոշոր գործընկերների հետ շուտով կպայմանավորվենք ռուսական նավթի գնի համաշխարհային շեմ սահմանելու հարցում։ Մենք չենք հանգստանա, մինչև Ուկրաինան չհաղթի Պուտինին և նրա անարդար ու բարբարոսական պատերազմին»,- ընդգծել է նա։
Ֆոն դեր Լեյենը խստորեն քննադատել է Ռուսաստանի հարվածներն ուկրաինական քաղաքացիական ենթակառուցվածքներին՝ այդ գործողություններն անվանելով ռազմական հանցագործություններ։ Միաժամանակ, նա վստահություն է հայտնել Ուկրաինայի հաղթանակի հարցում։
«Ես գիտեմ, որ մեր ուկրաինացի ընկերները կհաղթահարեն սա, քանի որ նրանք ուժեղ են, նրանց նպատակն արդար է, և մենք կաջակցենք նրանց այս դժվարին պահերին այնքան, որքան անհրաժեշտ է»,- ասել է Եվրահանձնաժողովի ղեկավարը։
Տաթև Ֆռանգյան
