17.08.2026 | 23:08
Զորականում և Ամասիայում շչակներ են փորձարկվելու
Թուրքիան Ուկրաինային լազերային կառավարմամբ հրթիռներ է մատակարարել․ MEE
Քաղաքականություն
24.11.2022 | 20:10
Թուրքիան Ուկրաինային ամռան սկզբին տասնյակ TRLG-230 ճշգրիտ կառավարվող հրթիռներ է մատակարարել։ Այս մասին Middle East Eye-ին հայտնել են խնդրին ծանոթ երկու աղբյուրներ:
Թուրքական Roketsan արտադրողի կողմից մշակված 230 մմ տրամաչափի TRLG-230 հրթիռն ունի բարձր ճշգրտություն 20-70 կմ հեռավորության վրա գտնվող թիրախների դեմ՝ իր գլոբալ տեղորոշման համակարգի (GPS) և լազերային ուղղորդման շնորհիվ։
Լրատվամիջոցի տվյալներով՝ շուրջ 50 միավոր TRLG-230 հրթիռ է ուղարկվել Ուկրաինա, որը հաստատել է նաև ռազմական Orxy պորտալը։ Աղբյուրներից մեկն էլ ասել է, որ մինչ այժմ կարող է առաքված լինել 200 հրթիռ:
Orxy-ն հոդվածում նշում է, որ կառավարվող հրթիռը կարող է համակցվել թուրքական հայտնի Bayraktar TB2 զինված անօդաչու թռչող սարքերի հետ, որոնք կարող են մատնանշել կառավարվող հրթիռի թիրախները և օգնել հաջողությամբ ոչնչացնել դրանք 70 կիլոմետր հեռավորության վրա:
Orxy-ի ղեկավար, սպառազինությունների փորձագետ Սթեյն Միտցերը լրատվականին ասել է, որ Թուրքիան առաջին երկիրն է, որ Ուկրաինային նման զենք է մատակարարել, նախքան նույնիսկ ԱՄՆ-ի կողմից HIMARS-ը մատակարարումը, այն առաջին անգամ Ուկրաինա է ժամանել հունիսին:
«TRLG-230 հրթիռները նախատեսված են թիրախին դիպուկ հարվածներ հասցնելու համար, այլ ոչ թե դրանցից շատերը միանգամից կրակելու, ինչպես սովորական բազմակի հրթիռային կայանքով»,- ասել է նա։
Էմմա Չոբանյան
