30.10.2026 | 20:18
Միրզոյանը Բահրեյնում կմասնակցի «Մանամայի երկխոսություն» անվտանգության ֆորումին
Նոր նախագծով ԱԱԾ արխիվում պահվող փաստաթղթերը կարող են ոչնչացվել․ Գեղամ Մանուկյան․ ՏԵՍԱՆՅՈՒԹ
Տեսանյութեր
24.11.2022 | 12:10
Ազգային ժողովում այսօր արտահերթ նիստով քննարկվում է «Ազգային անվտանգության մարմիններում ծառայության մասին» օրենքում փոփոխություններ և լրացումներ կատարելու մասին հարցը։
«Հայաստան» խմբակցության պատգամավոր Գեղամ Մանուկյանը նշեց, որ գործող օրենքով սահմանվում է, որ ԱԱԾ մարմիններում աշխատակիցների, նրանց հետ գաղտնի հիմունքներով համագործակցող կամ համագործակցած անձանց տվյալները, փաստաթղթերը և նյութերը ենթակա են պահպանման՝ լիազորված մարմնի արխիվում։
«Կար նաև դրույթ, որ ԱԱԾ արխիվի նյութերը գաղտնազերծվում են օրենքով սահմանված կարգով։ Հիմա առաջարկում եք՝ գաղտնազերծվում կամ ոչնչացվում են օրենքով կամ այլ իրավական ակտերով սահմանված կարգով։ Դիցուք, ԱԱԾ աշխատողների հետ համագործակցել է «Ալֆա» կեղծանունով մեկը։ Հիմա ձեր առաջարկած փոփոխությունով կարո՞ղ է պատահի, որ մի օր ԱԱԾ պետի որոշմամբ կամ այլ իրավական ակտով ոչնչացնեն «Ալֆայի» համագործակցությունն ԱԱԾ-ի հետ հաստատող փաստաթղթերը»,- հարցրեց Գեղամ Մանուկյանը։
ԱԱԾ փոխտնօրեն Անդրանիկ Սիմոնյանը պատասխանեց՝ ընդգծելով, որ փաստաթղթերի ոչնչացման համար օրենքով կամ իրավական ակտերով նախատեսված որևէ ընթացակարգ գոյություն չի ունեցել։
Մանրամասները՝ տեսանյութում։
