Քաղաքականություն
23.11.2022 | 19:22Հայտնի են դարձել Երևանում ընթացող ՀԱՊԿ Հավաքական անվտանգության խորհրդի նիստում ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի հայտարարություններից հատվածներ։
Նիկոլ Փաշինյանը պնդել է, որ Հայաստանը մեկ տարում երեք անգամ ենթարկվել է ագրեսիայի Ադրբեջանի կողմից․ «Տխրեցնում է այն փաստը, որ Հայաստանի անդամակցությունը ՀԱՊԿ-ին չզսպեց Ադրբեջանին ագրեսիվ գործողությունների դիմելիս, առավել ևս, որ, ըստ էության, մինչև այսօր մենք չենք կարողացել որոշում կայացնել ՀԱՊԿ-ի՝ Հայաստանի դեմ Ադրբեջանի ագրեսիային արձագանքի վերաբերյալ։ Այս փաստերը հսկայական վնաս են հասցնում ՀԱՊԿ-ի համբավին թե՛ մեր երկրի ներսում, թե՛ դրանից դուրս, և ես սա համարում եմ ՀԱՊԿ-ում Հայաստանի նախագահության հիմնական ձախողումը։ Նույնը կարող եմ ասել մեր դաշնակիցների՝ Ղրղզստանի և Տաջիկստանի սահմանին իրավիճակի սրման փաստերի մասին»։
Նիկոլ Փաշինյանը որպես հաջողության օրինակ նշել է Ղազախստան մեկ գիշերում զորքեր ուղարկելու օրինակը։
Ի՞նչ է ասել Պուտինը։ ՌԴ նախագահը խոստովանել է, որ ՀԱՊԿ-ի աշխատանքում կան խնդիրներ, այդուհանդերձ, ՀԱՊԿ-ն օգնում է ապահովել ազգային շահերը և նրա անդամ երկրների սուվերենությունը։ ՌԴ նախագահը հույս ունի, որ ՀՀ-ն և Ադրբեջանը կկնքեն խաղաղության պայմանագիր։ Նա ասել է՝ Սոչիի հանդիպմանը լավ հիմք է ստեղծվել փոխզիջումների համար հիմնարար հարցերի շուրջ։
Factor TV-ի տաղավարում հրավիրված քննարկմանը մասնակցում են քաղաքագետ Գուրգեն Սիմոնյանը, «Դո՛ւրս ՀԱՊԿ-ից» նախաձեռնության անդամ Էդգար Առաքելյանը, «Միացյալ Հայաստան» կուսակցության փոխնախագահ Վարդան Խաչատրյանը, «Հանուն Հանրապետության» կուսակցության անդամ Արտաշես Խալաթյանը։
