30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ հարվածների հետևանքով Ուկրաինայում երկու ատոմակայան ամբողջությամբ անջատվել է
Քաղաքականություն
23.11.2022 | 21:00
Ուկրաինայում ՌԴ հարվածների հետևանքով դադարել է երկու՝ Խմելնիցկի և Պիվդենոուկրաինսկի ատոմակայանների աշխատանքը։ Այս մասին հայտնի է դարձել նոյեմբերի 23-ին, գրում է korrespondent-ը։
Այսպես, Խմելնիցկի կայանի «արբանյակ քաղաք» Նետիշինի քաղաքապետ Ալեքսանդր Սուպրունյուկը հայտարարել է Խմելնիցկի ԱԷԿ-ի ստորաբաժանումների աշխատանքը դադարեցնելու մասին։
«Բլոկներն անջատվել են։ Էլեկտրաէներգիա չկա, ջուր չկա, հնարավոր է՝ ջեռուցում նույնպես: Պատրաստվում ենք վատագույնին՝ հուսալով լավագույնը»,- գրել է նա Facebook-ում։
Վթարային անջատվել են նաև Նիկոլաևի շրջանի Պիվդենուկրաինսկի ատոմակայանի բոլոր էներգաբլոկները։ Այս մասին «Էներգոատոմ»-ի խոսնակ Լեոնիդ Օլեյնիկն ասել է RBC-Ukraine-ին տված մեկնաբանությունում։
«Այո, դա կապված է կապերի ավերման հետ։ Կայանի հետ ամեն ինչ նորմալ է։ Էլեկտրաէներգիան մատակարարելու տեղ չկա»,- նշել է նա։
Տաթև Ֆռանգյան
