30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Մեծ Բրիտանիայի Գերագույն դատարանը մերժել է Շոտլանդիայի իշխանությունների՝ անկախության նոր հանրաքվե անցկացնելու հայտը
Քաղաքականություն
23.11.2022 | 19:01
Մեծ Բրիտանիայի Գերագույն դատարանը մերժել է Շոտլանդիայի իշխանություններին՝ անկախության նոր հանրաքվե անցկացնել։ Ըստ վճռի՝ Էդինբուրգն իրավունք չունի դա անել առանց բրիտանական կառավարության համաձայնության, գրում է Euronews-ը։
Գլխավոր դատավոր Ռոբերտ Ռիդը հայտարարել է, որ «հինգ դատավորները միակարծիք են եղել»:
Շոտլանդիայի վարչապետ Նիկոլա Սթերջենն իր հիասթափությունն է հայտնել այս որոշման կապակցությամբ։
«Օրենքը, որը Շոտլանդիային թույլ չի տալիս ինքնուրույն որոշել իր ապագան՝ առանց Վեսթմինսթերի կենտրոնական իշխանության համաձայնության, բացահայտում է Միացյալ Թագավորության առասպելը՝ որպես ազգերի կամավոր գործընկերություն»,- գրել է Սթարջենը Թվիթերում:
Շոտլանդիայի ազգային կուսակցությունը փորձում էր հաջորդ հոկտեմբերին հանրաքվե անցկացնել, սակայն դատարանը միաձայն մերժել է հայտը, քանի որ հանրաքվեի անցկացումը հավանության չի արժանացել Բրիտանիայի խորհրդարանի կողմից:
Շոտլանդիան վերջին անգամ քվեարկություն է անցկացրել 2014 թվականին՝ Բրիտանիայի խորհրդարանի հավանությամբ: Շոտլանդացիները ձայների 55%-45% հարաբերակցությամբ մերժել էին Միացյալ Թագավորությունից անկախանալու գաղափարը:
Տաթև Ֆռանգյան
