16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ուկրաինայի և Մոլդովայի մի շարք քաղաքներ հոսանքազրկվել են ՌԴ-ի նոր հարվածների հետևանքով
Քաղաքականություն
23.11.2022 | 17:54
Գնդակոծության պատճառով Ուկրաինայի միանգամից մի քանի շրջաններ ամբողջությամբ հոսանքազրկվել են, իսկ Կիևում դադարեցվել է ջրամատակարարումը, գրում է BBC-ի ռուսական ծառայությունը։
«Ամբողջ քաղաքը հոսանքազրկված է։ Մենք լրացուցիչ տեղեկությունների ենք սպասում էներգետիկներից»,- իր Telegram ալիքում գրել է Լվովի ղեկավար Անդրեյ Սադովոյը։
Նա հավելել է, որ հոսանքազրկման պատճառով դադարեցվել է նաև ջեռուցման և ջրի մատակարարումը։
«Անցնում ենք դիզելային գեներատորների աշխատանքին»,- գրել է քաղաքապետը։
Այն, որ Օդեսան ամբողջությամբ մնացել է առանց էլեկտրականության, հայտնել է տեղի վարչակազմի ղեկավար Մաքսիմ Մարչենկոն։
Կիևը, Խարկովը, Խմելնիցկին, Նիկոլաևը և Զապորոժիեն նույնպես մասամբ մնացել են առանց էլեկտրականության։
Տուժել է նաև հարևան Մոլդովան՝ առանց էլեկտրականության են մնացել Քիշնևը և Մոլդովայի մի շարք շրջաններ։ Այս մասին հայտնել է երկրի փոխվարչապետ Անդրեյ Սպինուն։
Նմանատիպ դեպք արդեն տեղի էր ունեցել Ուկրաինայի դեմ ՌԴ-ի հարվածներից հետո. էլեկտրահաղորդման գծերից մեկը, որով էլեկտրաէներգիա էր մատակարարվում Մոլդովա, ավտոմատ անջատվել էր։
Ռուսական կողմից հրետակոծությունը շարունակվում է, ամբողջ Ուկրաինայում հայտարարվել է օդային տագնապ։
Տաթև Ֆռանգյան
