09.10.2026 | 13:34
Էդգար Ղազարյանը չորս օրով չվճարվող արձակուրդ է վերցրել
Չավուշօղլուն՝ ապրիլի 24-ը Հայոց ցեղասպանության հիշատակի օր հռչակելու Կալիֆոռնիայի նահանգային ժողովի որոշման մասին
Քաղաքականություն
23.11.2022 | 16:17
Թուրքիայի արտգործնախարար Մևլութ Չավուշօղլուն Թուրքիայի ԱԳՆ-ի բյուջեի քննարկման ժամանակ անդրադարձել է ԱՄՆ-ի Կալիֆոռնիա նահանգում ընդունված որոշմանը․ գրում է ermenihaber-ը։
Բանն այն է, որ Կալիֆոռնիայի նահանգային ժողովը որոշում է ընդունել ապրիլի 24-ը հայտարարել Հայոց ցեղասպանության հիշատակի օր և այդ օրը սահմանել որպես ոչ աշխատանքային օր։
«Oրենքի ընդունումից հետո ԱՄՆ-ի իշխանությունների կողմից արձանագրվել են մեր խստագույն արձագանքները։ Բացի այդ, ամերիկյան կողմի հետ մեր շփումներում մենք շարունակում ենք բարձրաձայնել այդ մասին»,- հայտարարել է Չավուշօղլուն։
Հիշեցնենք, որ տվյալ օրինագիծը (AB 1801) առաջադրել էր Կալիֆոռնիայի նահանգային ժողովի պատգամավոր Ադրին Նազարյանը։ Օրինագիծը պարտավորեցնում է, որ ամեն տարի ապրիլի 24-ին բոլոր համայնքային քոլեջներն ու պետական դպրոցներն ամբողջ Կալիֆոռնիայում փակվեն, իսկ նահանգի ծառայողներին տրամադրել վճարովի արձակուրդ։
