21.12.2025 | 18:21
Իրավիճակը ՀՀ ավտոճանապարհներին՝ 17։30-ի դրությամբ
Վարդան Օսկանյանը կնշանակվի՞ ԱՀ Արտաքին գործերի նախարար. Արցախի նախագահականից չեն մեկնաբանում
Քաղաքականություն
23.11.2022 | 14:38
Լրատվամիջոցներով տեղեկություն է տարածվում, որ ՀՀ արտաքին գործերի նախկին նախարար Վարդան Օսկանյանն առաջիկայում կնշանակվի Արցախի ԱԳ նախարարի պաշտոնում: Արցախի նախագահի աշխատակազմը, սակայն, որևէ ձևով չի մեկնաբանում տեղեկությունը։
«Ես որևէ իրավասություն չունեմ այդ հարցին պատասխանելու։ Միայն կասեմ, որ այս պահի դրությամբ Արայիկ Հարությունյանն ԱՀ ԱԳՆ-ի պաշտոնում նշանակելու մասին որևէ հրամանագիր չի ստորագրել»,- Factor.am-ի հետ զրույցում ասաց Արայիկ Հարությունյանի մամուլի քարտուղար Լուսինե Ավանեսյանը։
Factor.am-ը փորձեց կապ հաստատել նաև նախկին նախարարի հետ, սակայն Օսկանյանը չպատասխանեց հեռախոսազանգերին։
Հիշեցնենք՝ առավոտյան Արցախի նախագահ Արայիկ Հարությունյանի հրամանագրով՝ Դավիթ Բաբայանն ազատվել է Արտաքին գործերի նախարարի պաշտոնից և նշանակվել ԱԳՆ ժամանակավոր պաշտոնակատար:
Ռոզա Վարդանյան
