09.10.2026 | 20:10
Ժանտախտ․ ինչպես է փոխանցվում, որքանով է վտանգավոր և արդյոք բուժում կա․ զրույց մասնագետի հետ. ՏԵՍԱՆՅՈՒԹ
Էրդողանը հայտնել է, որ Թուրքիան Սիրիայում ցամաքային գործողություն կսկսի երկրի համար ամենահարմար պահին
Քաղաքականություն
23.11.2022 | 18:09
Թուրքիան ունի բոլոր հնարավորությունները՝ արագ հետաքննելու և պատասխանատվության ենթարկելու բոլոր նրանց, որոնք ներգրավված են ահաբեկչություններում։ Այս մասին հայտարարել է նախագահ Ռեջեփ Թայիփ Էրդողանը Անկարայում իշխող կուսակցության խորհրդարանական խմբակցության նիստում ունեցած ելույթում, գրում է Անադոլու գործակալությունը։
Նա կրկին խոսել է նոյեմբերի 13-ի Ստամբուլի պայթյունից ու նշել, որ հետաքննությունը բացահայտել է դրա կազմակերպիչներին։
«Թուրքիայի տարածքում ահաբեկչական գործունեության հնարավորությունների թուլացման ֆոնին PKK-ի զինյալները դիմում են մեր երկրի սահմանամերձ բնակավայրերի գնդակոծմանը»,- ասել է Էրդողանը։
Նրա պնդմամբ՝ որոշ երկրների հավաստիացումներն իրենց վերահսկողության տակ գտնվող սիրիական տարածքներից Թուրքիայի դեմ սպառնալիքի անթույլատրելիության մասին մնում են զուտ խոսքեր։
«Եթե Սիրիայի հարցով պայմանավորվածությունների կողմերը չկատարեն իրենց պարտավորությունները սահմանամերձ տարածքները ահաբեկիչներից մաքրելու մասին, ապա Թուրքիան իրեն իրավունք է վերապահում ինքնուրույն վերացնել ազգային անվտանգությանը սպառնացող վտանգները»,- ասել է Էրդողանը։
Թուրքիայի նախագահը հավելել է, որ Անկարան կսկսի ցամաքային «հակահաբեկչական օպերացիա» երկրի համար ավելի հարմար ժամանակ։
«Հակաահաբեկչական գործողությունները ռազմաօդային ուժերի, հրետանու և հարվածային անօդաչու թռչող սարքերի մասնակցությամբ միայն սկիզբն են»,- ընդգծել է նա։
Ի դեպ, Էրդողանը Սիրիային և Իրաքին կոչ է արել չանհանգստանալ թուրքական բանակի գործողությունների պատճառով, քանի որ Անկարան, իբր, հարգում է հարևանների տարածքային ամբողջականությունը։
Չնայած այս հայտարարություներին՝ կիրակի Թուրքիայի ռազմաօդային ուժերը գործողություն էին իրականացրել Սիրիայի և Իրաքի հյուսիսում, որի հետևանքով սպանվել են նաև տասնյակ խաղաղ բնակիչներ։
Էմմա Չոբանյան
