04.10.2026 | 11:33
Հոկտեմբերի 4-ին Երևանի մի շարք հասցեներում ջրամատակարարումը ժամանակավորապես կդադարեցվի
ՌԴ-ն դաժանաբար «գցեց» իր ռազմավարական գործընկերոջը` ՀՀ-ին. Ստեփան Գրիգորյան․ ՏԵՍԱՆՅՈՒԹ
Քաղաքականություն
23.11.2022 | 14:27
Ազատության հրապարակում մեկնարկել է «Ո՛չ ՀԱՊԿ-ին, դուրս ՀԱՊԿ-ից» կարգախոսով ակցիան։
«Ես չեմ հասկանում՝ ինչու է Վլադիմիր Պուտինը գալիս Հայաստան»,- Ազատության հրապարակում ՀԱՊԿ-ից դուրս գալու պահանջով իրականացվող բողոքի ակցիայի ժամանակ այս մասին նշեց քաղաքագետ Ստեփան Գրիգորյանը։
«Ես հենվում եմ իր հայտարարության վրա․ ի՞նչ ասաց Պուտինը 44-օրյա պատերազմից անմիջապես հետո՝ նոյեմբերի 9-ից հետո․ նա ասաց․ ․ «Լեռնային Ղարաբաղը եղել և մնալու է Ադրբեջանի մաս, ոչ միայն 7 շրջանները»։
Նախ՝ ով է Պուտինը, որ որոշում ընդունի հայ ժողովրդի հայրենիքի հարցում, ո՞վ է ինքը։
Եթե ինքն այդ կարծիքն ունի՝ սիրելով Ադրբեջանն ու Թուրքիան, դա իր գործն է, բայց ինչո՞ւ է Հայաստան գալիս, այստեղ իրեն չեն սպասում։ Հայ ժողովուրդը շատ խիստ է տրամադրված պուտինյան Ռուսաստանի դեմ»։
«ՌԴ-ն դաժանաբար «գցեց» իր ռազմավարական գործընկերոջը` ՀՀ-ին։ Մեզանից ուզում են խլել մեր անկախությունը, մեր ինքնիշխանությունը, դա չպտք է թույլ տանք։ Պետք է պայքարենք մեր անկախությունն ու ինքնիշխանությունը պահպանելու համար»,- ընդգծեց քաղքագետը։
Հիշեցնենք, որ այսօր՝ նոյեմբերի 23-ին, Երևանում ՀՀ վարչապետ Նիկոլ Փաշինյանի նախագահությամբ մեկնարկել է ՀԱՊԿ Հավաքական անվտանգության խորհրդի նիստը:
Մանրամասները՝ տեսանյութում։
