16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ԱՄՆ-ը և ԵՄ-ն պատրաստվում են մոտ օրերս հայտարարել ռուսական նավթի գնի վերին շեմ սահմանելու մասին
Քաղաքականություն
23.11.2022 | 19:34
Վաշինգտոնը և նրա դաշնակիցները ծրագրում են առաջիկա մի քանի օրվա ընթացքում վերջնականապես հաստատել ռուսական նավթի գնի վերին շեմը։ Այս մասին հայտնել են ԱՄՆ Ֆինանսների նախարարությունից։
G7-ի երկրները, ԵՄ-ն և Ավստրալիան ցանկանում են կիրառել այս սահմանափակումները, որպեսզի զրկեն Մոսկվային ուկրաինական պատերազմի ֆինանսավորման հիմնական աղբյուրից, ինչպես նաև փորձեն նվազեցնել էներգակիրների համաշխարհային բարձր գները, գրում է BBC-ի ռուսական ծառայությունը:
Երեքշաբթի ԱՄՆ գանձապետարանի բարձրաստիճան պաշտոնյան լրագրողներին հայտնել է, որ ԵՄ-ն խորհրդակցություններ է անցկացնում դաշինքի անդամների հետ գների մակարդակի շուրջ, և որ ավելի լայն սահմանափակումներ մտցնելու շուրջ կոալիցիան քայլեր կձեռնարկի, երբ ԵՄ-ում գործընթացն ավարտվի:
«Մենք ակնկալում ենք, որ առաջիկա մի քանի օրվա ընթացքում նրանք կավարտեն գնագոյացման վերաբերյալ իրենց խորհրդակցությունները, և մենք առաջ կշարժվենք մինչև դեկտեմբերի 5-ը գնային շեմ սահմանելու ուղղությամբ»,- հավելել է պաշտոնյան:
Wall Street Journal-ը, վկայակոչելով իր աղբյուրներին, նախօրեին հայտնել է, որ չորեքշաբթի նախատեսվում է ԵՄ 27 անդամ երկրների ներկայացուցիչների հանդիպումը, որոնք կփորձեն համաձայնեցնել նավթի գնի վերին շեմը՝ մեկ բարելի դիմաց 60-70 դոլար։
Տաթև Ֆռանգյան
