09.10.2026 | 20:10
Ժանտախտ․ ինչպես է փոխանցվում, որքանով է վտանգավոր և արդյոք բուժում կա․ զրույց մասնագետի հետ. ՏԵՍԱՆՅՈՒԹ
Կասիմ-Ժոմարտ Տոկաևը կմասնակցի Երևանում կայանալիք ՀԱՊԿ գագաթնաժողովին
Քաղաքականություն
23.11.2022 | 11:28
Ղազախստանի նախագահ Կասիմ-Ժոմարտ Տոկաևը կմասնակցի Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի նիստին, որը նախատեսված է չորեքշաբթի օրը Երևանում։ Այս մասին լրագրողներին հայտնել է հանրապետության արտաքին գործերի փոխնախարար Ռոման Վասիլենկոն, փոխանցում է ՏԱՍՍ-ը։
Հիշեցնենք՝ այսօր Երևանում ՀՀ վարչապետ Նիկոլ Փաշինյանի գլխավորությամբ տեղի կունենա Հավաքական անվտանգության պայմանագրի կազմակերպության հավաքական անվտանգության խորհրդի նիստը։
Նիստին մասնակցելու են Ռուսաստանի Դաշնության նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ժապարովը, Տաջիկստանի նախագահ Էմոմալի Ռահմոնը և ՀԱՊԿ գլխավոր քարտուղար Ստանիսլավ Զասը:
Տաթև Ֆռանգյան
