18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Էրդողանն 1-ին փուլով նախագահի պաշտոնում վերընտրվելու շանսեր չունի․ սոցհարցում
Քաղաքականություն
22.11.2022 | 23:30
Թուրքական իշխանամերձ «Areda Survey» վիճակագրական-հետազոտական ընկերությունը 2023-ի նախագահական և խորհրդարանական ընտրություններին ընդառաջ անցկացրել է հերթական սոցհարցումը, ըստ որի՝ ներկայիս նախագահ Էրդողանն առաջին փուլով վերընտրվելու շանսեր չունի, գրում է Ermenihaber-ը:
Հարցումն անցկացվել է սույն տարվա հոկտեմբերի 26-ից 31-ն ընկած ժամանակահատվածում 26 նահանգում 18 տարեկանից բարձր 2.000 քաղաքացիների շրջանում։
Մասնակիցները պատասխանել են «Եթե այս շաբաթ խորհրդարանական ընտրություններ լինեն, ո՞ր կուսակցությանը և նախագահի ո՞ր թեկնածուի օգտին կքվեարկեք» հարցին։
Պատկերն այսպիսին է․
Իշխող «Արդարություն և զարգացում կուսակցություն» (ԱԶԿ-AKP) – 38․1%
«Ժողովրդահանրապետական կուսակցություն» (ԺՀԿ-CHP) – 25%
«Ժողովուրդների դեմոկրատական կուսակցություն» (ԺԴԿ-HDP) – 10․5%
«Լավ կուսակցություն» (İYİ Parti) – 10․2%
«Ազգայնական շարժում կուսակցություն» (ԱՇԿ-MHP) – 10․1%
«Նոր բարօրություն կուսակցություն» (Yeniden Refah Partisi)-1․5%
«Հաղթանակ կուսակցություն» (Zafer Partisi) – 1․3%
«Ժողովրդավարություն և առաջընթաց կուսակցություն» (Deva Partisi) – 1․2%
Այլ կուսակցությունները ստացել են մեկ տոկոսից էլ քիչ ձայներ։
Էրդողանը՝ իբրև նախագահի թեկնածու, ստացել է ձայների 48․6%, Անկարայի քաղաքապետ, ընդդիմադիր ԺՀԿ-ի անդամ Մանսուր Յավաշը՝ 19․4%, իսկ ԺՀԿ առաջնորդ Քեմալ Քըլըչդարօղլուն՝ 16․9%։
