Սուրիկ Խաչատրյանին Ֆրանսիան չի արտահանձնի․ տարհանում ՀՊՏՀ մասնաշենքում․ ԼՈՒՐԵՐ

• Ֆրանսիան հրաժարվել է Սյունիքի նախկին մարզպետ Սուրիկ Խաչատրյանին արտահանձնել Հայաստանին։ Այս մասին Factor.am-ի հետ զրույցում ասաց Գլխավոր դատախազի խորհրդական Լուսինե Մարտիրոսյանը։ «Նախաքննության ընթացքում տվյալներ են ստացվել, որ Սուրիկ Խաչատրյանը հայտնաբերվել է Ֆրանսիայի Հանրապետությունում, որի հիման վրա ՀՀ գլխավոր դատախազության կողմից միջնորդության է ներկայացվել նրան հանձնելու վերաբերյալ: Այս կապակցությամբ Ֆրանսիայի եվրոպայի և արտաքին գործերի նախարարությունից ՀՀ արտաքին գործերի նախարարության միջոցով ՀՀ գլխավոր դատախազությունում 28.10.22թ. ստացվել է գրություն այն մասին, որ դատական մարմինները բացասական կարծիք են հայտնել շահագրգիռ անձին արտահանձնելու դիմումի վերաբերյալ»,- նշում են գերատեսչությունից այլ մանրամասներ չհայտնելով։ Նախկին մարզպետը հետախուզման մեջ է 2019 թվականի նոյեմբերից:
• Բելառուսի նախագահ Ալեքսանդր Լուկաշենկոն աշխատանքային այցով ժամանելու է Հայաստան՝ մասնակցելու նոյեմբերի 23-ին Երևանում կայանալիք ՀԱՊԿ խորհրդի նիստին, որն անցկացվելու է նեղ ու ընդլայնված կազմերով։ Այս մասին հայտնում է Բելառուսի նախագահի պաշտոնական կայքում հրապարակված հաղորդագրությունում։ Նշվում է, որ ՀԱՊԿ անդամ երկրների ղեկավարները քննարկելու են միջազգային և տարածաշրջանային անվտանգության արդիական հարցեր, միջնստաշրջանային փուլում կառույցի գործունեության հիմնական արդյունքները։
• ժամը 10:30-ին Ճգնաժամային կառավարման ազգային կենտրոն ահազանգ էր ստացվել, որ Երևանի Պարույր Սևակի թիվ 77 հասցեում՝ Հայաստանի պետական տնտեսագիտական համալսարանի մասնաճյուղում, ուսանողների ինքնազգացողությունը վատացել է․ շենքում զգացվել է տարօրինակ հոտ: Անհրաժեշտ է փրկարարների օգնությունը։ Դեպքի վայր էին մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Բնակչության պաշտպանության և աղետների ռիսկի նվազեցման վարչության Ճառագայթային, քիմիական և կենսաբանական իրավիճակի մոնիտորինգի բաժնի քիմիկ-հետախույզների խումբը: FactorTV-ին դեպքի վայրում փրկարարների հետ զրուցել է դեպքի հանգամանքների մասին:

Այս ժամի լուրերը՝ տեսանյութում։