12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Ադրբեջանն ու Ռուսաստանը 7,5 մլրդ դոլարի համատեղ նախագծեր են իրականացնում
Քաղաքականություն
22.11.2022 | 21:00
Ադրբեջանն ու Ռուսաստանը ներկայում 14 համատեղ նախագիծ են իրականացնում, որոնց ընդհանուր արժեքը կազմում է 7,5 մլրդ դոլար։ Այս մասին հայտնել է ՌԴ տնտեսական զարգացման փոխնախարար Դմիտրի Վոլվաչը, գրում են ադրբեջանական լրատվականները։
«Ռուսաստանի և Ադրբեջանի միջև շփումները զարգանում են ոչ միայն պետությունների ղեկավարների, այլև տարածաշրջանների փոխգործակցության մակարդակով։ Ռուսական բիզնեսն այժմ մասնակցում է 14 խոշոր նախագծերի, որոնց ընդհանուր արժեքը կազմում է գրեթե 7,5 մլրդ դոլար։ Ադրբեջանում ստեղծվում են ավտոմոբիլային ու երկաթուղային նախագծեր, բացվում է առաջին դեղագործական արտադրությունը։ Եվ այս ամենը՝ ռուս գործընկերների տեխնոլոգիաների, կոմպետենտության ու փորձի կիրառմամբ»,- ասել է Վոլվաչը։
Նա նշել է, որ ավելի քան 70 ռուսական շրջաններ զարգացնում են համագործակցությունն Ադրբեջանի հետ։ Միջտարածաշրջանային ապրանքաշրջանառության առաջատարներն են Կրասնոդարի և Ստավրոպոլի երկրամասերը, Մոսկվայի և Սվերդլովսկի մարզերը: Առևտրային գործընկերների տասնյակում են Թաթարստանի Հանրապետությունը, Վոլգոգրադի և Սարատովի մարզերը, Սանկտ Պետերբուրգ քաղաքը։
Ռուսաստանցի պաշտոնյան ասել է, որ միջտարածաշրջանային հաջող համագործակցության օրինակներից է Աստրախանի և Ադրբեջանի նավահանգիստների միջև առևտրային փոխադրումների ընդլայնումը։ Հյուսիս-Հարավ միջազգային տրանսպորտային միջանցքը նշանակալի ուղղություն է երկու երկրների համար, որը կարող է լրացուցիչ բեռնափոխադրումներ իրականացնել։
Վոլվաչն ասել է, որ անցյալ շաբաթ Բաքվում ռուս-ադրբեջանական միջտարածաշրջանային ֆորումի շրջանակում քննարկվել են տարածաշրջանային գործարար համագործակցության հարցեր։
Էմմա Չոբանյան
