09.05.2024 | 00:22
Ինչ են քննարկել Փաշինյանն ու Պուտինը
Թուրքիայի ՌՕՈՒ-ի անօդաչուն հարվածել է Սիրիայում ԱՄՆ գլխավորած միջազգային կոալիցիայի բազային
Քաղաքականություն
22.11.2022 | 16:59
Թուրքական ռազմաօդային ուժերի (ՌՕՈՒ) անօդաչու թռչող սարքը հարվածել է Սիրիայի հյուսիս-արևելքում ԱՄՆ-ի և «Սիրիայի դեմոկրատական ուժերի» գլխավորած միջազգային կոալիցիայի բազային։ Այս մասին հայտնում է լիբանանյան al-Mayadeen հեռուստաալիքը, որին վկայակոչում է ՌԻԱ Նովոստին։
«Թուրքական ԱԹՍ-ն հարված է հասցրել միջազգային կոալիցիայի և SDF-ի համատեղ բազային Հասակե նահանգի հյուսիսում։ Հարվածը հասցվել է SDF-ի հատուկ ջոկատայինների բազային՝ ամերիկյան բազայից մի քանի մետր հեռավորության վրա, ինչպես նաև SDF-ի հրամանատար Մազլում Աբադի շտաբին»,- ասել է հեռուստաալիքին իրազեկ աղբյուրը։
SDF-ը պահանջել է շտապ քննարկել հարվածներն ամերիկյան կողմի հետ։
Հիշեցնենք, որ կիրակի Թուրքիայի ռազմաօդային ուժերը Սիրիայի և Իրաքի հյուսիսում քրդերի դեմ գործողություն էին իրականացրել՝ իբր ահաբեկիչներին վերացնելու համար։
Էմմա Չոբանյան
