Քաղաքականություն
22.11.2022 | 18:40
Չինաստանում վերջին վեց ամսվա ընթացքում COVID-19-ից մահվան առաջին դեպքերն են գրանցվել՝ վարակակիրների թվի աճի ֆոնին։ Euronews-ի հաղորդմամբ՝ նոյեմբերի 22-ի դրությամբ՝ Չինաստանում հայտնաբերվել է վարակի ավելի քան 28 հազար նոր դեպք։
Պեկինում գրանցվել է կորոնավիրուսով վարակման ավելի քան 1,4 հազար նոր դեպք, ինչը Չինաստանի մայրաքաղաքի համար ամենաբարձր ցուցանիշն է ամբողջ համաճարակի ընթացքում։ Հանգստյան օրերին քաղաքում երեք մարդ է մահացել։
Մայրաքաղաքում վարակի տարածման նոր ալիքի պատճառով փակվել են զբոսայգիներն ու թանգարանները։ Քաղաքի որոշ շրջաններ կրկին արգելափակվել են. բնակիչներին խնդրում են մնալ տանը և պարբերաբար թեստ հանձնել։
Վարակի նոր դեպքերը գրանցվել են այն ժամանակ, երբ Պեկինը հայտարարեց հակակորոնավիրուսային միջոցառումների փոքր-ինչ մեղմացման մասին:
Տաթև Ֆռանգյան
