16.09.2026 | 10:44
Եվրահանձնաժողովն իր զեկույցում անդրադարձել է Հայաստանին․ կլինի՞ ՀՀ-ն 2027թ-ի՝ ԵՄ-ի առաջնահերթություններում
ԱՄՆ-ն արագացրել է զենքի պաշարների համալրումը․ Reuters
Քաղաքականություն
22.11.2022 | 13:07
Միացյալ Նահանգները կարագացնի զենքի ձեռքբերման գործընթացը՝ Ուկրաինային սպառազինության մատակարարումների պատճառով բանակի սպառված պաշարները համալրելու համար։ Այս մասին գրում է Reuters-ը։
ԱՄՆ բանակի կարիքների համար սպառազինության գնման հարցերով պատասխանատու Դագ Բուշը գործակալությանն ասել է, որ պայմանագրերի կնքման աշխատանքների արագացումը կախված է «գործընթացների միաժամանակյա կատարումից, որոնք նախկինում հաջորդաբար իրականացվել են և հիմնված են կորոնավիրուսի համաճարակից քաղված դասերի վրա»։
Հաղորդվում է, որ ԱՄՆ իշխանությունները հոկտեմբերի երկրորդ կեսից շուրջ 1 միլիարդ դոլարի պայմանագրեր են կնքել զենք արտադրողների հետ՝ հիմնականում զինամթերքի և հրթիռների համար, ինչը վկայում է «պայմանագրերի կնքման արագացված որոշումների կայացման մասին»:
ԱՄՆ-ը 477 մլն դոլարի պայմանագիր է կնքել Lockheed Martin-ի հետ։
Նշենք, որ ԱՄՆ-ն այս տարվա փետրվարի վերջից Ուկրաինային մատակարարել է ավելի քան 88 հազար տոննա զենք ու զինտեխնիկա՝ ընդհանուր 21,5 միլիարդ դոլարի չափով։
Տաթև Ֆռանգյան
