16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ստոլտենբերգն ասել է, որ ՆԱՏՕ-ն սպառել է զենքի և զինամթերքի իր պաշարների մեծ մասը և արտադրությունն ավելացնելու կոչ արել
Քաղաքականություն
21.11.2022 | 16:22
Հյուսիսատլանտյան դաշինքը սպառել է զենքի և զինամթերքի իր պաշարների մեծ մասը, անհրաժեշտ է ավելացնել դրանց արտադրությունը։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, հայտնում է CBC-ն։
Դաշինքի գլխավոր քարտուղարն ընդգծել է, որ անհրաժեշտ է ակտիվացնել ռազմական ներուժը՝ երկարաժամկետ հեռանկարում Ուկրաինային աջակցելու համար։ Ըստ Ստոլտենբերգի՝ դաշինքն այժմ սպառել է զենքի և զինամթերքի սեփական պաշարների մեծ մասը, ուստի պետք է աշխատի արդյունաբերության հետ՝ արտադրությունն ավելացնելու համար և շարունակի աջակցել Ուկրաինային։
Դաշինքի երկրները պետք է պատրաստ լինեն գին վճարել Ուկրաինայի պաշտպանունակությունն ամրապնդելու համար՝ էներգակիրների բարձր գներ և այլ տնտեսական հետևանքներ, սակայն Ուկրաինան դրա համար «վճարում է շատ ավելի բարձր գին», հավելել է Ստոլտենբերգը։
«Մենք պետք է հիշենք՝ մեր վճարած գինը չափվում է փողով, իսկ այն գինը, որը վճարում է Ուկրաինան, չափվում է կյանքերով, արյունով՝ ամեն օր, և մենք պարտավոր ենք աջակցել նրանց»,- եզրափակել է նա։
Տաթև Ֆռանգյան
