30.10.2026 | 16:38
Օլեշկիում սկսվել է բնակիչների տարհանումն ու մարդասիրական օգնության բաշխումը
Ադրբեջանի և Իսրայելի ՊՆ ղեկավարները ռազմատեխնիկական համագործակցության հարցեր են քննարկել
Քաղաքականություն
21.11.2022 | 21:23
Իսրայելի և Ադրբեջանի պաշտպանության նախարարներ Բենի Գանցն ու Զաքիր Հասանովը հեռախոսազրույցում քննարկել են Թել Ավիվի և Բաքվի միջև ռազմատեխնիկական համագործակցության հեռանկարները, գրում են ադրբեջանական լրատվականները։
«Հեռախոսազրույցի ընթացքում կողմերը մտքեր են փոխանակել երկկողմ ռազմատեխնիկական համագործակցության հեռանկարների շուրջ»,- ասվում է Ադրբեջանի ՊՆ հաղորդագրության մեջ։
Նշվում է, որ Գանցն ասել է, թե ադրբեջանա-իսրայելական հարաբերությունները հիմնված են բարեկամության և փոխադարձ վստահության վրա ու երախտագիտություն հայտնել Թել Ավիվում Ադրբեջանի դեսպանատուն բացելու որոշման համար։
Հաղորդվում է, որ հեռախոսազրույցը տեղի է ունեցել իսրայելական կողմի նախաձեռնությամբ։
Հիշեցնենք, որ նոյեմբերի 18-ին Ադրբեջանի Միլլի Մեջլիսն ընդունել էր «Իսրայելում Ադրբեջանի դեսպանություն հիմնելու մասին» օրենքը։ Դեսպանատունը բացվելու է Թել Ավիվում։
Հավելենք, որ Գանցը բավական մեծ պատվիրակությամբ հոկտեմբերի սկզբին այցելել էր Ադրբեջան, որտեղ տարբեր հանդիպումներ էր ունեցել, այդ թվում՝ իր պաշտոնակից Զաքիր Հասանովի և Ադրբեջանի նախագահ Իլհամ Ալիևի հետ։
Էմմա Չոբանյան
