31.10.2026 | 11:08
ԿԸՀ-ն սահմանել է նոյեմբերի 29-ի ՏԻՄ ընտրություններին մասնակցող ուժերի հերթական համարները
Կոնգրեսին սպասվում է լուրջ պայքար, երկրի նախագահին` դժվար ժամանակաշրջան. VOA-ի անդրադարձը
Քաղաքականություն
20.11.2022 | 13:43
Դեմոկրատներն այլեւս մեծասնություն չեն կազմում Կոնգրեի Ներկայացուցիչների պալատում: Պալատի նախագահ Նենսի Փելոսին էլ հայտարարում է, որ չի ձգտելու լինել այստեղ դեմոկրատական փոքրամասնության ղեկավար:
«Ամերիկայի ձայն»-ը գրում է, որ Փելոսին ուզում է, որ ավելի երիտասարդ դեմոկրատները ստանձնեն նման պաշտոններ:
Այսպիսով, Ներկայացուցիչների պալատի նախագահի պարտականությունները կստանձնի հանրապետական կոնգրեսական Քևին Մաքքարթին:
«Ես հպարտ եմ հայտարարելու, որ Վաշինգտոնում դեմոկրատական միակուսակցական կառավարման դարաշրջանն ավարտվել է: Վաշինգտոնն այժմ ունի վերահսկողություն և հավասարակշռություն»,-ասել է նա: Սակայն Մաքքարթիին հեշտ չի լինելու իր կուսակիցներին այստեղ միավորելը, քանի որ հակասություններ ունի կուսակցության այն թեւի հետ, որը դեռեւս հավատարիմ է նախկին նախագահ Դոնալդ Թրամփին:
«Ես կարծում եմ, որ նրանց համար շատ դժվար ժամանակներ են մոտենում: Թե ինչպես են փոխզիջման գալու, դժվար է ասել»,-«Զում»-ի միջոցով տված հարցազրույցում նշում է վերլուծաբաններից Էմի Դեյսին:
Կոնգրեսի նոր անդամներն ասում են, որ երկու կուսակցությունների միջեւ ձայների միայն չնչին տարբերությունը պիտի ստիպի նրանց աշխատել միասին` երկկուսակցական սկզբունքով:
Ինչպես դեմոկրատ կոնգրեսական Ուայլի Նիքելն է ասում, «Ժողովուրդը հոգնել է լիակատար ձախ և լիակատար աջ ծայրահեղականներից, և ուզում է, որ իր ընտրյալներն աշխատեն ու կատարեն տրված խոստումները»:
Ասենք, որ չնայած Ներկայացուցիչների պալատում հանրապետականների մեծամասնությանը, որեւէ օրինագիծ օրենք դառնալու համար պետք է անցնի նաեւ Սենատով, որտեղ մեծամասնություն են կազմում դեմոկրատները:
Սակայն առաջիկա երկու տարիների ընթացքում պառակտված կառավարության պայմաններում նախագահ Ջո Բայդենի համար հեշտ չի լինելու անցկացնել կարեւոր նշանակություն ունեցող օրենքներ եւ ընդունել որոշումներ:
