02.06.2026 | 20:13
Աննա Վարդապետյանը պետք է անմիջապես հանդիպեր․ մեծ պահանջ կա Օսիպյանին ազատ արձակելու համար․Դուլգարյան
Իրանը հայտարարել է, որ կձերբակալի բոլոր նրանց, ովքեր հարձակվել են իրավապահների վրա
Քաղաքականություն
18.11.2022 | 23:17
Իրանի անվտանգության ուժերը կձերբակալեն բոլոր նրանց, ովքեր ներգրավված են Սպահանի, Քրդստանի և Խուզեստանի շրջաններում իրավապահների և զինվորականների վրա հարձակումներում։ ՏԱՍՍ-ի հաղորդմամբ՝ այս մասին հայտարարել է Իսլամական Հանրապետության գերագույն հոգևոր առաջնորդ Այաթոլլա Ալի Խամենեիի խորհրդական Մոհսեն Ռեզային։
Նա չորեքշաբթի մասնակցել է Իզե քաղաքի (Խուզեստան նահանգ) շուկայի հրապարակում տեղի ունեցած ահաբեկչության զոհերի հուղարկավորության կապակցությամբ կազմակերպված սգո ցույցին։
«Իրանի իշխանություններին հաջողվել է ձերբակալել երեք հարձակվողների, ովքեր փորձում էին Մակո սահմանային անցակետով փախչել Թուրքիա։ Ես կոչ եմ անում դատական իշխանություններին՝ ամենախիստ պատիժը սահմանել այս հանցագործներին համար»,- ասել է Ռեզային:
Յոթ մարդ է զոհվել Իզեում զինյալների կողմից մոտոցիկլետներով զինված հարձակման հետևանքով։ Նրանցից երեքը Իսլամական հեղափոխության պահապանների կորպուսի անդամներ են (ԻՀՊԿ, Իրանի զինված ուժերի էլիտար ստորաբաժանումներ), սպանվել են նաև «Բասիջ» իսլամական աշխարհազորայինների երկու մարտիկներ՝ մեկ կին և մեկ երեխա։ Եվս ութ մարդ վիրավորվել է, հայտնում է Al-Alam-ը:
Տաթև Ֆռանգյան
