22.03.2026 | 21:42
Վահագն Խաչատուրյանն առանձնազրույց է ունեցել Վրաստանի նախագահի հետ
Վարչապետը շնորհավորական ուղերձ է հղել Լատվիայի վարչապետին
18.11.2022 | 11:13
Վարչապետ Նիկոլ Փաշինյանը շնորհավորական ուղերձ է հղել Լատվիայի Հանրապետության վարչապետ Կրիշյանիս Կարինշին՝ ազգային տոնի առթիվ:
Ուղերձում ասված է.
«Ձերդ գերազանցություն,
Հայաստանի Հանրապետության կառավարության և անձամբ իմ անունից ջերմորեն շնորհավորում եմ Ձեզ և Լատվիայի բարեկամ ժողովրդին Լատվիայի ազգային տոնի՝ Անկախության հռչակման օրվա առթիվ։
Ավելի քան հարյուր տարի առաջ հռչակված անկախությունից ի վեր Լատվիան անցել է խոչընդոտներով լի դժվարագույն ճանապարհ՝ հաղթահարելով իր առջև ծառացած բոլոր փորձությունները, և հաջողությամբ կերտել զարգացած ժողովրդավար երկիր:
Հայաստանը կարևորում է Լատվիայի հետ պատմական կապերը, որոնք հիմնված են փոխադարձ վստահության և համընդհանուր արժեքների վրա։ Մենք պատրաստակամ ենք բոլոր ոլորտներում խթանելու Լատվիայի հետ երկկողմ հարաբերությունները, ինչպես նաև խորացնելու և ընդլայնելու գործակցությունը միջազգային տարբեր հարթակներում։
Մաղթում եմ Ձեզ քաջառողջություն և հաջողություններ, իսկ Լատվիայի բարեկամ ժողովրդին՝ բարեկեցություն և երջանկություն։
Ընդունեք խնդրեմ, Ձերդ գերազանցություն, խորին հարգանքիս հավաստիքը»:
