07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Մյանմարի ռազմական խունտան համաներում է շնորհել երկրի նախկին ղեկավարին և 6000 քաղբանտարկյալի
Քաղաքականություն
17.11.2022 | 21:59
Մյանմարի ռազմական խունտան համաներում է շնորհել շուրջ 6000 բանտարկյալների, այդ թվում՝ Մեծ Բրիտանիայի նախկին դեսպան Վիկի Բոումենին և Խաղաղության Նոբելյան մրցանակի դափնեկիր Աուն Սան Սու Չժիին, որը երկու տարի առաջ հեռացվել էր կառավարության դե ֆակտո ղեկավարի (պետության խորհրդականի) պաշտոնից, գրում է DW-ի ռուսական ծառայությունը։
Մյուս ազատ արձակվածների թվում են Բոումենի ամուսինը՝ նկարիչ Հթեյն Լինը և երեք օտարերկրացիներ՝ ճապոնացի լրագրող և վավերագրող Տորու Կուբոտան, ավստրալացի տնտեսագետ Շոն Թուրնելը (Աուն Սան Սու Չժիի նախկին խորհրդականը) և ամերիկացի բուսաբան Չժուո Հտայ Օուն։
Ռազմական խունտան հայտարարել է, որ Սու Չժիի տապալված կառավարության երեք նախկին նախարարները նույնպես ազատ կարձակվեն։
Թաիլանդի նախկին արտգործնախարար Կասիտ Փիրոմյան, որն այժմ ASEAN-ի Մարդու իրավունքների խորհրդարանականներ կազմակերպության խորհրդի անդամ է, զգուշացրել է. «Սա խաղ է, որը Մյանմարի գեներալները խաղում են շատ երկար ժամանակ, ոչ ոք չպետք է ընկնի այս թակարդը: Անդադար վայրագությունների արանքում նրանք երբեմն իբրև բարի կամքի ժեստ են անում՝ միջազգային ճնշումը թուլացնելու և լեգիտիմություն ձեռք բերելու համար: Այս զիջումները չնչին են՝ համեմատած այն հանցագործությունների հետ, որոնք նրանք անում են ամեն օր։ Ավելի քան 13,000 քաղբանտարկյալներ դեռ բանտում են»։
Տաթև Ֆռանգյան
