07.06.2026 | 09:11
Մենք ուզում ենք մնալ տարածաշրջանի ամենաժողովրդավար երկիրը. Նարեկ Կարապետյանը քվեարկեց. ՏԵՍԱՆՅՈՒԹ
Արևմտյան երկրները հայտարարել են Ուկրաինային սպառազինության նոր մատակարարումների մասին
Քաղաքականություն
17.11.2022 | 16:17
Նոյեմբերի 16-ի ուշ երեկոյան Ուկրաինայի պաշտպանության հարցերով կոնտակտային խմբի 7-րդ հանդիպմանը (Ռամշտեյնի ձևաչափ) մի քանի երկրներ հայտարարել են Ուկրաինային սպառազինության նոր մատակարարումների մասին։ Այս մասին հայտարարել է ԱՄՆ պաշտպանության նախարար Լլոյդ Օսթինը, գրում է BBC-ի ռուսական ծառայությունը։
Մասնավորապես, Կանադան հայտարարել է 34 մլն դոլարի օգնության տրամադրման մասին։ Խոսքը զինվորականների համար նախատեսված ձմեռային տեխնիկայի, անօդաչու սարքերի տեսախցիկների, արբանյակային պատկերների մասին է։
Շվեդիան հատկացնում է 287 մլն եվրոյի օգնություն, այդ թվում՝ ՀՕՊ համակարգեր։ Իսպանիան տրամադրելու է հավելյալ 2 Hawk զենիթահրթիռային համակարգեր և դրանց համար նախատեսված հրթիռներ։
Հունաստանը մատակարարելու է 155 մմ-անոց հրետանային արկեր։ Գերմանիան շարունակելու է ՀՕՊ համակարգերի, զինամթերքի ու հրետանի մատակարարումները։ Լեհաստանն էլ տրամադրելու է հրետանի և հակատանկային զինատեսակներ, ՀՕՊ համակարգեր։
«Ազատ աշխարհը մեզ հետ է։ Ուկրաինայի ուժն է հիմա՝ տնտեսական ներուժի ավելացում, ուկրաինական բանակի ավելի լավ պատրաստվածություն, ժամանակակից լոգիստիկա: Շնորհակալ ենք մեր գործընկերներին նոր նախաձեռնությունների աջակցության համար»,- թվիթերյան իր էջում գրել է Ուկրաինայի պաշտպանության նախարար Ալեքսեյ Ռեզնիկովը։
Էմմա Չոբանյան
