07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Սի Ցզինպինը Պուտինից թեքվել է դեպի Արևմուտք՝ վերադառնալով համաշխարհային ասպարեզ․ Bloomberg
Քաղաքականություն
17.11.2022 | 23:30
Վերջին շաբաթներին ելույթներով և տարբեր ժեստերով Չինաստանի նախագահ Սի Ցզինպինն իր ամենանշանակալի քայլերն է ձեռնարկել Պեկինի և Մոսկվայի միջև տարածություն ստեղծելու համար՝ այն բանից հետո, երբ Պուտինը գրեթե ինը ամիս առաջ Ուկրաինա ներխուժեց, գրում է Bloomberg-ը։
Նշվում է, որ վերջին ազդանշանն ինդոնեզական Բալիում անցկացված G20 գագաթնաժողովում էր, որտեղ Չինաստանը ստորագրեց կոմյունիկե, որում ասվում էր, որ «անդամների մեծ մասը խստորեն դատապարտում է Ուկրաինայում պատերազմը»:
«ՌԴ նախագահն աշխարհում գրեթե միայնակ է իր քաղաքականությամբ և չունի ուժեղ դաշնակցային գործընկեր»,- Բալիում լրագրողներին ասել էր Գերմանիայի կանցլեր Օլաֆ Շոլցը, որն այս ամսվա սկզբին Պեկինում հանդիպել էր Սիի հետ: Նա նշել էր, որ հայտարարությունը պարունակում է «զարմալիորեն հստակ խոսքեր»:
Հրապարակման համաձայն՝ համերաշխության այս դրսևորմանը հաջորդում են Սի Ցզինպինի և համաշխարհային առաջնորդների միջև համեմատաբար ջերմ հանդիպումները, որոնք ղեկավարում էին Մոսկվային պատժելու արշավը, ներառյալ՝ նրա առաջին հանդիպումը ԱՄՆ նախագահ Ջո Բայդենի հետ: Այդ բանակցություններում Սին ամրապնդել է իր ընդդիմությունն Ուկրաինայում միջուկային զենքի կիրառման հարցում․ մի դիրքորոշում, որն ուրվագծում է Չինաստանի կարմիր գծերը՝ ընդհանրապես չհրաժարվելով Ռուսաստանից:
Լրատվամիջոցը գրում է, որ Սին ձգտում է վերահաստատվել համաշխարհային ասպարեզում՝ համաճարակի առաջին երկուսուկես տարիների ընթացքում օտարերկրյա ճանապարհորդություններից խուսափելուց հետո, մի ժամանակահատված, որի ընթացքում զարգացած երկրներում Չինաստանի մասին կարծիքը վատացել է: Ջո Բայդենի հետ հանդիպմանն էլ նա փորձում էր իրեն ներկայացնել որպես մեծ՝ մասերի բաժանված աշխարհում։
Էմմա Չոբանյան
