07.06.2026 | 10:51
Ինչպես պետք է քվեարկել. ներկայացնում է 9/23 ընտրատեղամասի հանձնաժողովի նախագահը․ ՏԵՍԱՆՅՈՒԹ
ԱՄՆ բանակի շտաբերի պետերի ղեկավարը չի կարողացել կապ հաստատել ՌԴ ԳՇ պետի հետ՝ Լեհաստանում ընկած հրթիռի խնդիրը քննարկելու համար
Քաղաքականություն
17.11.2022 | 17:46
ԱՄՆ բանակի գեներալ, շտաբերի պետերի միացյալ կոմիտեի ղեկավար Մարկ Միլին փորձել է խոսել իր ռուս գործընկերոջ՝ ՌԴ ԶՈՒ ԳՇ պետ Վալերի Գերասիմովի հետ, սակայն նրան այդպես էլ չի հաջողվել դա անել, գրում է BBC-ի ռուսական ծառայությունը։
Պենտագոնում կայացած մամուլի ասուլիսում Միլին ասել է, որ ցանկացել է Գերասիմովի հետ քննարկել Լեհաստանի արևելքում հրթիռի անկման հետ կապված միջադեպը, որի հետևանքով երկու մարդ է զոհվել։
Նա հայտնել է, որ երեքշաբթի օրվա ընթացքում բազմիցս խոսել է Ուկրաինայի և Լեհաստանի իր գործընկերների, մասնավորապես՝ Ուկրաինայի ԶՈՒ Գլխավոր շտաբի պետ Վալերի Զալուժնիի, ինչպես նաև եվրոպական այլ երկրների զինված ուժերի ղեկավարների հետ։
«Իմ աշխատակիցները փորձեցին ինձ կապել գեներալ Գերասիմովի հետ, բայց ապարդյուն»,- ասել է Միլին։
Դիտորդները նշում են, որ վերջին շաբաթներին Գերասիմովը գրեթե ամբողջությամբ անհետացել է ռուսական մեդիա տարածքից, ինչը կապված է Կրեմլում դժգոհության հետ, թե ինչպես են զարգանում իրադարձություններն Ուկրաինայում, որի համար այնտեղ մեղքը բարդվում է բանակի ղեկավարության վրա։
Էմմա Չոբանյան
