30.10.2026 | 17:34
«Ապրելու երկիրը» կմասնակցի Կապանի ՏԻՄ ընտրություններին․ ցուցակը կգլխավորի Տիգրան Աղասյանը
1 մլրդ 235 մլն դրամ հատկացվեց ասֆալտապատման աշխատանքներին․ ՏԵՍԱՆՅՈՒԹ
Տնտեսություն
17.11.2022 | 12:03
Կառավարության որոշմամբ միջծրագրային վերաբաշխում կատարվեց և 1 մլրդ 235 մլն դրամ հատկացվեց ՏԿԵ նախարարությանը:
«595 միլիոն դրամը կենսական նշանակության ծրագրերի համար է, 460-ը՝ Մ6 ծրագրի, 180-ը Թալին-Լանջիկ ծրագրի համար է»,- ասաց ՏԿԵ նախարար Գնել Սանոսյանը:
ՀՀ փոխվարչապետ Համբարձում Մաթևոսյանը հավելեց, որ բացի տարեկան 500 կմ վերանորոգվող և կառուցվող ճանապարհներից` սուբվենցիայով տարեկան միջինում կառուցվում կամ վերանորոգվում են 145 կմ երկարությամբ ներհամայնքային ճանապարհներ։ «145 կմ ճանապարհ այս տարի կանենք, ըստ նախնական հայտերի՝ նույնն էլ 2023 թվականի համար նախատեսված ունենք»,- նշեց փոխվարչապետը։
ՀՀ վարչապետ Նիկոլ Փաշինյանը, անդրադառնալով ճանապարհաշինական աշխատանքներին, ընդգծեց․ «Պետք է ամեն ինչ անել, որպեսզի այս ձմռանը բեռնատարները դեպի Իրան գնացող ու այնտեղից եկող, այդ ճանապարհով երթևեկեն, այսինքն՝ Տաթևի ոլորանները կարողանան շրջանցել: Տաթև գյուղ չեն մտնում, միանգամից միանում են Լծեն բնակավայրով Մ2 մայրուղուն»:
Մանրամասները՝ տեսանյութում։
