27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
Եթե ընդդիմությունը համարում է, որ ՀՀ-ն պիտի մերժի ՌԴ առաջարկները՝ թող հայտարարի․ Փաշինյան․ ՏԵՍԱՆՅՈՒԹ
Քաղաքականություն
16.11.2022 | 16:56
«Հայաստանի քաղաքական դաշտում Լեռնային Ղարաբաղի հարցով համարյա կոնսենսուսային վիճակ է` նկատի ունենալով ռուսական առաջարկների ընդունելիությունը»,- Ազգային ժողով – կառավարություն հարցուպատասխանի հայտարարեց ՀՀ վարչապետ Նիկոլ Փաշինյանը` անդրադառնալով ընդդիմության այն գնահատականին, թե ԼՂ հիմնախնդրի առումով իշխանության դիրքորոշումները կոնկրետ և խուսափողական են։
Վարչապետի դիտարկմամբ՝ Ռուսաստանի նախագահ Վլադիմիր Պուտինի` «Վալդայ» քննարկումների ակումբում արված հայտարարությունը կարևոր ու էական էր, որպեսզի մի շարք հարցեր պարզաբանվեին։ Փաշինյանը հիշեցրեց, որ խոսքն այն մասին է, թե ՀՀ կառավարությունն ինչ վերաբերմունք ունի ՌԴ առաջարկի վերաբերյալ, որի էությունը ԼՂ կարգավիճակի հարցը որոշ ժամանակով հետաձգելն էր։
«Եվ ընդդիմության դաշտից, և՛ Արցախից եղան դրսևորումներ` պահանջելով կառավարությունից ընդունել ռուսական առաջարկները։
Հայաստանի կառավարությունը դեռևս 2021 թվականի հունվարից ընդունել է Ռուսաստանի առաջարկը, բայց այդ մասին չի խոսել զուտ կոռեկտությունից ելնելով։
Ես շնորհակալ եմ ՌԴ նախագահին, որ թեման պարզաբանելու հնարավորություն ընձեռեց:
Մեր այսօրվա դիրքորոշումն այն է, ինչ մեզնից պահանջում էր ընդդիմությունը՝ չիմանալով, որ մենք դա վաղուց ենք որդեգրել», – նշեց վարչապետը:
Փաշինյանը հավելեց, որ եթե ընդդիմությունը համարում է, որ Ռուսաստանի առաջարկները պետք է մերժել, ճիշտ կլինի, որ այդ մասին բարձրաձայն հայտարարի:
Մանրամասները՝ տեսանյութում։
