09.09.2026 | 16:38
Արմեն Գրիգորյանը նոր պաշտոն է ստացել միջազգային ընկերությունում
Ֆրանսիան պատժամիջոցներ կմտցնի Ադրբեջանի դեմ՝ ՀՀ-ից զորքը չհանելու դեպքում՝ վստահ եմ․ ԱՄՆ-ն է Փարիզի թիկունքին․ Արա Պապյան․ ՏԵՍԱՆՅՈՒԹ
Քաղաքականություն
16.11.2022 | 19:02
Ֆրանսիաի Սենատը բանաձև ընդունեց, որով կոչ է անում նախագահ Էմանուել Մակրոնին Ադրբեջանի դեմ պատժամիջոցներ սահմանել, և Բաքվի առաջ պահանջ է դրվում հանել զորքերը ՀՀ-ի տարածքից, ազատ արձակել հայ ռազմագերիներին։ Այս բանաձևը խորհրդատվական է և չի պարտադրում Ֆրանսիայի կառավարությանը կատարել այն։
Factor TV-ին տված հարցազրույցի ընթացքում դիվանագետ, ԱԺԲ խորհրդի անդամ Արա Պապյանին հարց ուղղեցինք՝ Էմանուել Մակրոնը կլսի՞ Սենատին, և արդյո՞ք Ֆրանսիայի շահերից է բխում պատժամիջոցների կիրառումն Ադրբեջանի դեմ։ Արձանագրենք՝ Սենատի բոլոր ուժերն են կողմ քվեարկել՝ թե՛ ընդդիմադիր, թե՛ իշխանական։
Արա Պապյանն ասում է, որ Ֆրանսիան, լինելով ժողովրդավարական երկիր, չի կարող անտեսել իր ժողովրդի ձայնը, այս դեպքում՝ Սենատի միահամուռ կերպով կայացրած որոշումը․ «Կառավարությունն է որոշելու՝ երբ և ինչպիսի պատժամիջոցներ կսահմանի։ Վստահ եմ, որ դա կլինի և կտեսնենք հարաճուն պատժամիջոցներ։ Բնականաբար, Ադրբեջանի վրա այս բանաձևը չի ազդելու և այն խորանալու է։ Այստեղ քաղաքական դիրքորոշումն է կարևոր, և ճնշող մեծամասնությամբ, գրեթե միաբանությամբ կայացվեց որոշում, ինչը ամենակարևորն է։ Մենք տեսնում ենք, որ Հարավային Կովկասում Ֆրանսիային է վերապահված Արևմուտքի քաղաքականության իրականացումը»։
Ըստ ԱԺԲ խորհրդի անդամի՝ Ֆրանսիան կարևոր երկիր է՝ լինելով միջուկային տերություն, ՄԱԿ-ի ԱԽ մշտական անդամ, ինչն ավելի է մեծ արժեք տալիս Սենատի այս որոշմանը։
Հարցազրույցն ամբողջությամբ՝ տեսանյութում։
Ռոբերտ Անանյան
