Քաղաքականություն
16.11.2022 | 15:18Բանակաշինությունը 90-ականներին սկսել ենք զրոյից։ ԱԺ նիստում ՀՀ 2023 թ. պետական բյուջեի նախագծի վերաբերյալ քննարկման ընթացքում նշեց Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։
«Պետք է ուղենիշ ունենալ, թե ինչ քայլերով պետք է հասնենք պրոֆեսիոնալ բանակի, ինչ բաղադրիչներից է կազմված այդ ծրագիրը, մենք ունենք այդ հնարավորությունը թե ոչ, բայց նախ պետք է հավատալ դրան։ Այդ հավատն ամենակարևորն է, բանակը կառավարողները պետք է իրենց հավատով վարակեն բոլորին, նաև հասարակությունը պետք է դրանով վարակված լինի։
Չպետք է այնպես լինի, որ բանակի մասին պատկերացում կազմենք Երևանում նստած։ Խնդիրները շատ ծանր են։
Ինչքան տևեց 90-ականների բանակաշինության գործընթացը, կարծես թե 4 տարի, բայց այդ ընթացքում ինչ նվիրում կար և զուգահեռաբար նաև ինչ անտարբերություն կար։ Չմոռանանք, որ նաև փողոցներից էինք մարդկանց զորակոչում հավաքների, բայց դա հաղթահարվել է։
Այդ անտարբերությունը կհաղթահարվի, եթե մենք հավատանք, որ այն բարեփոխումները, որ արվում են բանակում, շոշափելի են»,- նշեց Քոչարյանը։
Մանրամասները՝ տեսանյութում։
