17.08.2026 | 23:08
Զորականում և Ամասիայում շչակներ են փորձարկվելու
NASA-ն հրթիռ է ուղարկել դեպի Լուսին
Քաղաքականություն
16.11.2022 | 15:58
Այսօր Ֆլորիդայից Միացյալ Նահանգների Օդագնացության և տիեզերական տարածության հետազոտությունների ազգային գործակալությունը՝ NASA-ն, իր հաջորդ սերնդի հրթիռն է արձակել դեպի Լուսին։ Այն առաջին թռիչքն իրականացնում է առանց անձնակազմի։ Այս թռիչքը նոր էջ է բացում ԱՄՆ տիեզերական գործակալության Artemis հետազոտական ծրագրի համար՝ դեպի Լուսին ուղարկված վերջին Apollo առաքելությունից 50 տարի անց, գրում է Reuters-ը:
Տեղեկացվում է, որ 32 հարկանի Space Launch System-ը (SLS) Քենեդիի տիեզերական կենտրոնից թռել է ժամը 1։47-ին, որպեսզի իր Orion կապսուլը երեքշաբաթյա փորձնական ուղևորության ուղարկի Լուսնի շուրջ։
Նշվում է, որ մի քանի միլիարդ դոլար արժողությամբ հրթիռի արձակումն հաջողվել է իրականացնել երրորդ փորձից։ Նախորդ երկու փորձերը չեղարկվել են բազմաթիվ տեխնիկական խափանումների պատճառով, չնայած հրթիռը երկու անգամ բերվել է թռիչքային հարթակ։
Այս փորձարկման հաջող ընթացքի դեպքում հաջորդ անգամ 2024 թվականին հրթիռը Լուսնի ուղեծիր կտանի տիեզերագնացների, իսկ 2025 թվականին նախատեսվում է մարդու երկրորդ վայրէջքը Լուսնի վրա: Նախորդ անգամ մարդը Լուսնի վրա եղել է 1972 թվականին՝ «Ապոլոն-17» տիեզերանավով:
Տաթև Ֆռանգյան
