09.10.2026 | 10:07
Երեք հայ բռնցքամարտիկներ մեդալ են ապահովել պատանեկան ԵԱ-ում
Ռուսաստանը պատրաստ է երկարաձգել հացահատիկային գործարքը․ Bloomberg
Քաղաքականություն
15.11.2022 | 19:27
Սպասվում է, որ Ռուսաստանը համաձայնելու է երկարաձգել Թուրքիայի և ՄԱԿ-ի միջնորդությամբ ուկրաինական հացահատիկային գործարքը։ Այս մասին գրում է Bloomberg-ը, որին վկայակոչում է BBC-ի ռուսական ծառայությունը։
Գործարքի ժամկետը լրանում է նոյեմբերի 19-ին։ Լրատվամիջոցի չորս աղբյուր ասել է, որ Ռուսաստանը համաձայնել է երկարաձգել գործարքը, սակայն չեն հստակեցրել՝ արդյո՞ք Մոսկվան նոր պահանջներ կունենա նման երկարաձգման դիմաց։
ՄԱԿ-ը խոստացել է օգնել Ռուսաստանին՝ ապահովել ռուսական պարենի և պարարտանյութերի անարգել արտահանումը Սև ծովով:
Հացահատիկային գործարքի երկարաձգման մասին, սակայն, պաշտոնապես դեռևս չի հայտարարվել։ Կրեմլի խոսնակ Դմիտրի Պեսկովը միայն ասել է, որ Ռուսաստանն «անմիջապես կհայտարարի այս հարցում իր որոշման մասին»։
Հաստատված պայմանների համաձայն՝ եթե գործարքի կողմերից որևէ մեկը չի որոշում այն չեղարկել կամ ինչ-որ ձևով փոխել ընդունված փաստաթղթի ձևակերպումները, նոյեմբերի 19-ին համաձայնագիրն ավտոմատ երկարաձգվելու է ևս 120 օրով։
Էմմա Չոբանյան
