16.11.2024 | 18:19
ԵՊՀ-ի բակից մեկնարկել է «Համախմբենք ուժերը՝ կանխենք կոռուպցիան» համապետական արշավը
Բաքվում ոստիկաններն ուժով ցրել են Իրանի դեսպանատան մոտ ընդդիմության բողոքի ցույցը․ ԼՈՒՍԱՆԿԱՐՆԵՐ
Քաղաքականություն
15.11.2022 | 22:16
Ադրբեջանում ոստիկանությունն այսօր թույլ չի տվել ընդդիմադիր «Մուսավաթ» կուսակցության ակտիվիստներին բողոքի ակցիա անցկացնել Բաքվում Իրանի դեսպանատան դիմաց, գրում են տեղական լրատվամիջոցները։
Ակցիան անցկացվել է՝ ի նշան Իրանում խաղաղ ցույցերը ճնշելու, այդ երկրում, իբր, «էթնիկ ադրբեջանցիների ազգային և մշակութային իրավունքների ոտնահարման, ինչպես նաև Թեհրանի վարչակարգի կողմից Ադրբեջանի ինքնիշխանության և ազգային անվտանգության դեմ վերջերս հնչող սպառնալիքների դեմ բողոքի»։
Բաքվի գործադիր իշխանությունն ակցիան չի արտոնել, սակայն ընդդիմադիրները որոշել են անցկացնել այն։ Ոստիկանները փակել են դեպի դեսպանատուն տանող բոլոր ճանապարհները։ Ժամը 15։00-ի սահմաններում Միրզա Ֆաթալի Ախունդովի անվան պուրակից ոստիկանությունը սկսել է բերման ենթարկել ակտիվիստներին։ Բերման են ենթարկվել բոլոր նրանք, որոնք վանկարկել են «Ազատություն, արդարություն, ազգային իշխանություն», «Վերջ մոլլաների ռեժիմին» և այլ կարգախոսներ։
Ձերբակալվել են տասնյակ ընդդիմադիրներ, այդ թվում՝«Մուսավաթ» կուսակցության ղեկավար Արիֆ Հաջիլին, կուսակցության մամուլի քարտուղար Մուստաֆա Հաջիբեյլին և այլք։
Էմմա Չոբանյան
