16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Մերկ լուսանկարի դիմաց՝ պետական դավաճանության կասկած, ՀՀ-ում նվազագույն աշխատավարձը կբարձրանա․ Լուրեր
Քաղաքականություն
15.11.2022 | 13:45
- Բացահայտվել է պետական դավաճանության հերթական դեպքը։ ԱԱԾ-ն հայտնում է, որ 3-ամսյա հավաքների մասնակից զինծառայող, շարքային Է.Ա-ն համացանցով ծանոթացել է օտարերկրյա հատուկ ծառայության աշխատակից հանդիսացող անձի հետ, որը սոցիալական կայքում հանդես է եկել պայմանական անունով։ Է․Ա-ն նրան է հանձնել իրեն վստահված դիրքի, դրա կոնկրետ տեղակայման, դիրքապահ անձնակազմի քանակի, սպառազինության և ծառայողական գաղտնիք կազմող տեղեկություններ, որոնց դիմաց ստացել է, իբր, իր զրուցակցի մերկ լուսանկարները: Է.Ա-ն ձերբակալված է։
- Ընդդիմադիր պատգամավորները վերադարձել են Խորհրդարան․ ԱԺ հերթական քառօրյա նիստից առաջ «Հայաստան» խմբակցության պատգամավոր Աղվան Վարդանյանը հայտարարեց, որ ԱԺ-ում են իրենց օրակարգով` Հայաստանի ու Արցախի` ՀՀ քաղաքացիներին հուզող հարցերով։
- Ազգային ժողովի ընդդիմադիր խմբակցությունները երեք նոր պատգամավոր ունեն։ «Պատիվ ունեմ» խմբակցության պատգամավոր Արթուր Վանեցյանի փոխարեն Մարտուն Գրիգորյանը երդմամբ ստանձնեց պատգամավորի մանդատը։ Իսկ «Հայաստան» խմբակցության պատգամավորներ Մխիթար Զաքարյանի և Արթուր Ղազինյանի փոխարեն պատգամավորական մանդատ ստացան Արգիշտի Գևորգյանը և Գառնիկ Դանիելյանը։
- ՀՀ-ում նվազագույն աշխատավարձը 2023 թվականի հունվարի 1-ից կբարձրանա՝ 68,000 դրամից դառնալով 75․000 դրամ։
Այս ժամի լուրերը՝ տեսանյութում։
