12.12.2024 | 14:33
Բացվել է «Երեկ և այսоր. Ժակ դը Մորգանի հետքերով» հայ-ֆրանսիական միջազգային ցուցահանդեսը
Մեդիաները, որոնց անունն ասոցացվում է շահումով խաղի հետ, պիտի անվանափոխվեն կամ զրկվեն հեռարձակումից․ ՏԵՍԱՆՅՈՒԹ
Հասարակություն
15.11.2022 | 13:14
ՀՀ ԱԺ «Քաղաքացիական պայմանագիր» խմբակցության պատգամավոր Գևորգ Պապոյանը ներկայացրեց «Տեսալսողական մեդիայի մասին» օրենքում լրացումներ կատարելու և «Գովազդի մասին» օրենքում փոփոխություններ կատարելու մասին օրենքների նախագծերի փաթեթը:
«Այս նախագիծն այն մասին է, որ մեր տեսալսողական մեդիա միջոցներում չի կարող լինել այնպիսի մեդիա միջոց, որի անվանումը կապ ունի շահումով խաղի, օնլայն կամ ոչ օնլայն կազինոյի, վիճակախաղի հետ:
Սա նշանակում է, որ այդ մեդիա միջոցները ոչ թե պետք է փակվեն, այլ փոխեն իրենց անվանումը: Գործողներն իրենց անվանումը պետք է փոխեն 6 ամսվա ընթացքում, նորերը այդպիսի անվանումներով չեն կարող ստանալ հեռարձակման թույլտվություն»,- նշեց Պապոյանը՝ հավելելով, որ նախագիծը կարևորվում է խաղամոլության դեմ պայքարի շրջանակում:
«Եթե գովազդն արգելում ենք ու թույլ չենք տալիս՝ օնլայն շահումով խաղերի, վիճակախաղերի գովազդ տեղի ունենա, ապա չենք կարող թույլ տալ այդ գովազդի իրականացումն ուղղակի եղանակով: Եթե որևէ մեդիա միջոցի անվանում մարդկանց մոտ ասոցացվում է խաղատան, շահումով խաղի հետ, սա չի կարող մեզ համար թույլատրելի լինել»,- նշեց Պապոյանը:
Մանրամասները՝ տեսանյութում։
