03.10.2026 | 22:08
Հայաստանի հավաքականը ժամանել է Պոդգորիցա
«Պաշտպան հայրենյաց»-ի զինծառայողը պետք է մոտ լինի իր բնակավայրին, որպեսզի հավելյալ ծախսեր չանենք
Քաղաքականություն
15.11.2022 | 12:12
ՀՀ ազգային ժողովն առաջին ընթերցմամբ քննարկեց կառավարության ներկայացրած օրենքի նախագիծը, որով առաջարկվում է սահմանել, որ Հայաստանում 6 ամիս ծառայելուց հետո պարտադիր ժամկետային զինծառայողը կարող է 5 տարով անցնել պայմանագրային զինծառայության՝ վերջում ստանալով 5 մլն դրամ պատվովճար։ «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին օրենքի նախագիծն ԱԺ նիստում ներկայացրեց ՀՀ պաշտպանության նախարար Սուրեն Պապիկյանը:
Պայմանագրային զինվորական ծառայության գրավչությունն ու շահագրգռվածությունը բարձրացնելու նպատակով առաջարկվում է ներդնել շարքային և սպայական կազմերի պարտադիր զինվորական ծառայությունից պայմանագրային զինվորական ծառայության անցման նոր համակարգ, այն է՝ «Պաշտպան հայրենյաց» ծրագիրը:
ՔՊ խմբակցության պատգամավոր Ալխաս Ղազարյանը հետաքրքրվեց՝ ծրագրից օգտվելու դեպքում ժամկետային զինծառայողի ծառայության վայրի փոփոխություն նախատեսվո՞ւմ է արդյոք, եթե այո, ապա ի՞նչ հիմքեր են հաշվի առնվում:
Ի պատասխան՝ Պապիկյանը կարևորեց, որ ՊՆ-ն իր ծախսերի հաշվարկի առումով նաև հաշվի առնի տվյալ զինծառայողների կեցության հարցերը և բնակավայրին մոտ լինելը:
«Բնականաբար, ամեն ինչ կանենք, որ տվյալ զինծառայողը մոտ լինի իր բնակավայրին»,-եզրափակեց նախարարը:
Մանրամասները՝ տեսանյութում։
