25.03.2026 | 12:40
Իրանը հայտարարում է, որ ԱՄՆ-ը «բանակցություններ է վարում ինքն իր հետ»
Սերգեյ Լավրովը Բալիում հոսպիտալացվե՞լ է․ ռուսական և ինդոնեզական կողմերի տեղեկությունները հակասական են
Քաղաքականություն
14.11.2022 | 15:09
Ռուսաստանի արտաքին գործերի նախարար Սերգեյ Լավրովը հոսպիտալացվել է Ինդոնեզիայի Բալի կղզում, ուր ժամանել էր G20-ի գագաթնաժողովին մասնակցելու համար։ Այս մասին հայտնել է AP գործակալությունը՝ վկայակոչելով տեղական իշխանությունների մի քանի ներկայացուցիչների, փոխանցում է DW-ի ռուսական ծառայությունը։
ՌԴ ԱԳՆ պաշտոնական ներկայացուցիչ Մարիա Զախարովան, սակայն, հերքել է Լավրովի հոսպիտալացման մասին լուրերը՝ դրանք անվանելով «կեղծ լուրեր»։
Ավելի ուշ Բալիի նահանգապետ Յի Վայան Քոսթերը Reuters-ին հայտնել է, որ Սերգեյ Լավրովն արդեն լքել է հիվանդանոցը, նրա ինքնազգացողությունը լավ է։
Սերգեյ Լավրովը Բալի է ժամանել նոյեմբերի 13-ին՝ G20-ի գագաթնաժողովում ներկայացնելու Ռուսաստանի նախագահ Վլադիմիր Պուտինին։
Տաթև Ֆռանգյան
