30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Զելենսկին այցելել է ազատագրված Խերսոն․ ԼՈՒՍԱՆԿԱՐՆԵՐ
Քաղաքականություն
14.11.2022 | 14:51
Ուկրաինայի նախագահ Վլադիմիր Զելենսկին այցելել է Խերսոն, որտեղ հանդիպել է քաղաքն ազատագրած ուկրաինացի զինվորականներին։ Այս մասին գրում է Unian-ը՝ վկայակոչելով Reuters-ին։
Զելենսկին այցելում է Խերսոն ռուսական զորքերի հեռանալուց մի քանի օր անց։
«Մենք շարժվում ենք առաջ։ Մենք պատրաստ ենք խաղաղության, խաղաղության մեր ամբողջ երկրի համար»,- ասել է Ուկրաինայի նախագահը։
Զելենսկին նաև շնորհակալություն է հայտնել ՆԱՏՕ-ին և մյուս դաշնակիցներին՝ Ռուսաստանի դեմ պատերազմում ցուցաբերած աջակցության համար և ասել, որ ԱՄՆ-ից բարձր շարժունակությամբ հրթիռային հրետանային համակարգերի (HIMARS) մատակարարումը մեծ նշանակություն ունի Կիևի համար։
Քաղաքի հրապարակում հավաքվել են նաև Խերսոնի բնակիչները՝ Ուկրաինայի դրոշներով։
«Ես իսկապես երջանիկ եմ։ Մարդկանց արձագանքում ամեն ինչ երևում է, նրանց արձագանքը բեմականացված չէ»,- ասել է Զելենսկին։
Պատասխանելով հարցին, թե ո՞ր ուղղությամբ եմ ուկրաինական զորքերը հետագայում առաջ շարժվելու, Զելենսկին նշել է․ «Ո՛չ Մոսկվայի ուղղությամբ։ Մեզ չեն հետաքրքրում այլ երկրի տարածքները»։
Հիեցնենք, որ նոյեմբերի 9-ին ՌԴ ՊՆ ղեկավար Սերգեյ Շոյգուն ռուսական զորքերին հրամայել էր դուրս գալ Խերսոնից։
Էմմա Չոբանյան
