07.06.2026 | 12:18
Ժամը 11։00-ի դրությամբ քվեարկությանը մասնակցել է ընտրական իրավունք ունեցող քաղաքացիների 14.48%-ը․ ԿԸՀ
Ռուսական հրամանատարության հետագա որոշումները հաշվի են առնելու ձմռան գալուստը․ բրիտանական հետախուզություն
Քաղաքականություն
14.11.2022 | 14:18
Ձմեռը կփոխի պատերազմի պայմանները թե՛ ռուսական, թե՛ուկրաինական զորքերի համար։ Նման կանխատեսում է անում բրիտանական հետախուզությունը ուկրաինական պատերազմին նվիրված ամենօրյա զեկույցում, գրում է BBC-ի ռուսական ծառայությունը։
Նշվում է, որ ցերեկային ժամերի կրճատումը, ջերմաստիճանի անկումը և եղանային պայմանների վատթարացումը խնդիրներ կստեղծեն զինվորականների համար։
Ըստ նրանց՝ ցանկացած որոշում, որը կայացնելու է ռուսական Գլխավոր շտաբը, մասնակիորեն լինելու է ձմռան գալստյամբ թելադրված։ Բրիտանական հետախուզության փորձագետները նշում են, որ ցերեկային ժամերը կնվազեն մինչև ինը ժամից պակաս՝ համեմատած ամառվա 15-16 ժամի հետ: Գիշերային տեսողության համակարգերն էժան չեն, և դա նաև նվազեցնում է գիշերը կռվելու հավանականությունը:
«Անբավարար տեխնիկայով ապահովված բանակի ստորաբաժանումները, որոնք չունեն տաք իրերի պաշար, ավելի հավանական է, որ տուժեն ցուրտ եղանակից։ Բացի այդ, այն ժամանակահատվածը, որի ընթացքում կարող է փրկվել ծանր վիրավոր զինվորը, գրեթե կիսով չափ կրճատվել է»,- ասվում է զեկույցում։
Փորձագետները հավելել են, որ ձյան տեղումներն ու ուժեղ քամին կարող են լրացուցիչ խնդիրներ ստեղծել առանց այն էլ բարոյալքված ռուսական զորքերի, ինչպես նաև նրանց մատակարարումների համար։
Էմմա Չոբանյան
