09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Բայդենն ու Սիցզինպինը բանակցություններ կվարեն G20-ի գագաթնաժողովի շրջանակներում
Քաղաքականություն
14.11.2022 | 11:38
Երկուշաբթի օրը Ինդոնեզիայում G20-ի գագաթնաժողովի շրջանակներում նախատեսված են ԱՄՆ-ի և Չինաստանի ղեկավարների բանակցությունները, հայտնում է Euronews-ը:
Հանդիպումից առաջ Սպիտակ տան ղեկավար Ջո Բայդենը հայտարարել է, որ ցանկանում է ներկայացնել իր առաջնահերթություններն ու մտադրությունները և նույնը լսել Չինաստանի նախագահ Սի Ցզինպինից:
Երկու երկրների ղեկավարները կքննարկեն մի շարք տարածաշրջանային ու գլոբալ հարցեր, այդ թվում՝ նաև Թայվանի խնդիրը։
«Ճանաչում եմ Սի Ցզինպինին, ես ավելի շատ ժամանակ եմ անցկացրել նրա, քան աշխարհի ցանկացած այլ առաջնորդի հետ: Ես նրան լավ եմ ճանաչում: Նա ինձ նույնպես: Մենք շատ քիչ թյուրըմբռնումներ ունենք: Պարզապես պետք է հասկանանք, թե որտեղ են կարմիր գծերը, ինչն է մեզանից յուրաքանչյուրի համար ամենակարևորն առաջիկա երկու տարիների համար»,- ասել է ամերիկացի առաջնորդը։
Ավելի վաղ Ջո Բայդենը հայտարարել էր, որ մտադիր է ճնշում գործադրել Սի Ցզինպինի վրա, որպեսզի կանխի Հյուսիսային Կորեայի ագրեսիվ պահվածքը։ Կիրակի օրը ԱՄՆ-ը, Ճապոնիան և Հարավային Կորեան պայմանավորվել են համակարգել իրենց գործողությունները։
Սպիտակ տունը նշում է, որ ԱՄՆ-ը և Չինաստանը կատաղի մրցակցության մեջ են, սակայն այն չպետք է վերածվի հակամարտության կամ առճակատման։
Տաթև Ֆռանգյան
