16.05.2024 | 23:39
Խաղաղության պայմանագիրը պատմական հնարավորություն է տարածաշրջանի համար. Էրդողան
Մեր մարզերում 30 տարի շարունակ մարդիկ մեծ էկրանին կինո չեն դիտել. Հայկ Օրդյան․ ՏԵՍԱՆՅՈՒԹ
Հաղորդաշարեր
13.11.2022 | 19:00
«Հայաստանում կինոոլորտը կզարգանա, եթե ունենանք ապակենտրոնացված տնտեսություն: «Զուլալի»-ի նկարահանումների ժամանակ մեր մաշկի վրա զգացինք, Հայաստանում տնտեսության կենտրոնացված լինելու խնդիրը: Մարզում կազմակերպեցինք կինոարտադրություն և բախվեցինք մի շարք խնդիրների` սկսած որակյալ մասնագետների բացակայությունից»,- Factor TV-ի հետ զրույցում նման տեսակետ է հայտնում կինոռեժիսոր Հայկ Օրդյանը:
Շարունակելով Հայաստանում կինոոլորտի զարգացման թեման` նա շեշտում է` Հայաստանի նման փոքր, քիչ ռեսուրսներով երկրները համարտադրությունների միջոցով պետք է կայանան ոլորտում: Այդ հարցում, նրա համոզմամբ, անհրաժեշտ է պետության աջակցությունը եթե ոչ ֆինանսական, ապա գոնե խորհրդատվական մակարդակում.
«Հարկավոր է շատ համարտադրություններ ունենալ եվրոպական, ասիական և այլ երկրների հետ` դրանով իսկ զարգացնելով տեղի կինոարտադրությունը»:
Հայկ Օրդյանը խոսում է նաև համայնքների` մշակութային կյանքից կտրված լինելու խնդրի մասին.
«Առհասարակ, Հայաստանում կինոթատրոնների թիվը բավական փոքր է, առայժմ դրանք չեն բավարարում, իսկ համայնքներում կինոդիտման մշակույթը պարզապես վերացել է: Մեր մարզերում 30 տարի շարունակ մարդիկ մեծ էկրանին կինո չեն դիտել»:
Կինոռեժիսորն անդրադառնում է նաև Հայաստանում օր օրի շատացող փոփքորնային ֆիլմերի ֆոնին խորը, հոգեբանական ֆիլմեր ստեղծելու գործընթացին.
«Հնարավոր չէ Հայաստանում նկարել դրամա, և դա եկամտաբեր լինի, բայց շանս կա փոխելու իրավիճակը»: Մանրամասները` տեսանյութում: Աննա Բաբաջանյան
