13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Մեր կուսակցությունների մեջ չկա որևէ մեկը, որի մեջ կարելի է սկզբունքներ և արժեքներ տեսնել․ ապաքաղաքական զրույց Տիգրան Թորոսյանի հետ. ՏԵՍԱՆՅՈՒԹ
Հաղորդաշարեր
12.11.2022 | 21:02
Factor TV-ի A-politic հաղորդաշարի հյուրն է քաղաքական գիտությունների դոկտոր, պրոֆեսոր Տիգրան Թորոսյանը: Նրա կարծիքով՝ ժողովրդավարությունն արժեքների և ինստիտուտների որոշակի համակարգ է, և այդ առումով Հայաստանն ունի լուրջ խնդիրներ: Որպես օրինակ՝ քաղաքագետը բերում է հայաստանյան կուսակցությունները, որոնցից ոչ մեկը, ըստ նրա, չի ընկալվում որպես արժեքներ և սկզբունքներ կրող: Նման երևույթների մասին կամ պատկերացում չկա, կամ էլ այդ պատկերացումները ժառանգվել են խորհրդային շրջանից:
Հաղորդման հյուրը համոզված է, որ հայերն ինքնության արդիականացման կարիք ունեն: Բայց այդ արդիականացումը չի ենթադրում զրոյից սկսելը: Պարզապես պետք է ազնվորեն գնահատել իրավիճակը և հասկանալ, թե որոնք են այսօրվա պահանջները: Տիգրան Թորոսյանի կարծիքով՝ այստեղ կողմնորոշիչը եվրոպական արժեքներն են, ինչը, սակայն, չի նշանակում, որ այն ամենը, ինչ կա Եվրոպայում, պետք է կուրորեն պատճենել: Անգամ Եվրոպայում ոչ բոլոր հարցերն են միատեսակ լուծվում:
Ի՞նչ է պետք, որպեսզի ժողովրդավարությունը չվերածվի օխլոկրատիայի՝ օխլոսի՝ ամբոխի իշխանության: Ըստ քաղաքագետի՝ դրա հիմնական հակաթույնը գիտելիքն է: Այս առումով, որպես երեսուն տարիների հիմնական թերացում, հաղորդման հյուրը նշում է այն, որ այդ ընթացքում կրթության և գիտության զարգացման համար լուրջ հիմքեր չեն ստեղծվել: Նրա խոսքով՝ հատկապես հետ են մնում հասարակական գիտությունները, հումանիտար բնագավառն ընդհանրապես:
Մանրամասները՝ տեսանյութում:
Արամ Աբրահամյան
