09.10.2026 | 11:53
Հայ ծանրորդների մրցելույթների ժամանակացույցը երիտասարդական ու Մ-23 ԵԱ-ում
Իլոն Մասկը հնարավոր է համարել Twitter-ի սնանկությունը
Քաղաքականություն
11.11.2022 | 22:51
Twitter-ի նոր սեփականատեր և գործադիր տնօրեն Իլոն Մասկը հնարավոր է համարել կազմակերպության սնանկությունը։
Ըստ The Associated Press-ի՝ աշխատակիցներին ուղղված նամակում 51-ամյա ձեռներեցը նշել է, որ «առանց բաժանորդագրությունից զգալի եկամուտների՝ մեծ է հավանականությունը, որ Twitter-ը չի դիմանա առաջիկա տնտեսական անկմանը»:
Մինչ այժմ ընկերությունը մեծապես կախված էր գովազդից ստացվող գումարներից, և այժմ ցանկանում է ավելի շատ կենտրոնանալ վճարովի ծառայությունների վրա: Ամսական 8 դոլարով Twitter-ը թույլ կտա օգտատերերին հաստատել իրենց օգտահաշիվների իսկությունը:
Սնանկության մասին նախազգուշացումը հնչել է երկու շաբաթ անց, երբ Մասկը փակել է 44 միլիարդ դոլար արժողությամբ հարթակի գնման գործարքը։
Այս ընթացքում նա աշխատանքից ազատել է ընկերության 7,500 աշխատակիցների շուրջ կեսին։ Twitter-ի ղեկավարն այդ քայլը հիմնավորել է մեծ կորուստներով, որոնք, ըստ նրա, կազմում էին օրական ավելի քան չորս միլիոն դոլար։
Տաթև Ֆռանգյան
