13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ՆԱՏՕ-ի ցամաքային զորքերի հրամանատարությունը վարժանք է անցկացրել Վրաստանի ԶՈւ-ի հետ
Քաղաքականություն
10.11.2022 | 22:37
ՆԱՏՕ-ի ցամաքային զորքերի հրամանատարությունը (LANDCOM) Վրաստանի զինված ուժերին լոգիստիկ օպերատիվ պլանավորման ուսուցում է անցկացրել։ Այս մասին հայտնել է LANDCOM-ը, փոխանցում է Aliq Media-ն։
Տեղեկության համաձայն, խումբը բաղկացած է եղել G4 դիվիզիայի չորս փորձագետներից: Վրաստանի զինված ուժերի համար անցկացվող մեկշաբաթյա դասընթացն առնչվում էր նյութատեխնիկական ապահովման ոլորտում օպերատիվ պլանավորման խնդիրներին։
«2022 թվականի հոկտեմբերի 24-28-ը LANDCOM-ը աջակցեց Վրաստանի զինված ուժերին լոգիստիկ օպերատիվ պլանավորման շարժական ուսումնական խմբի միջոցով:
Ուժերին ներկայացվեցին ՆԱՏՕ-ի դիրեկտիվները լոգիստիկ ճգնաժամային արձագանքման պլանավորման վերաբերյալ: Փորձագետները դասախոսություններ անցկացրեցին գեղարվեստական սցենարի հիման վրա ներկայացումների և խմբային աշխատանքի միջոցով: Դասընթացը հաջողությամբ ավարտվեց, և ոչ միայն տասնվեց մասնակիցները, նաև դասընթացավարները դրական գնահատեցին դրա արդյունքները զինվորի համար», — նշել է LANDCOM-ը:
