17.08.2026 | 23:08
Զորականում և Ամասիայում շչակներ են փորձարկվելու
Հակառակորդի կրակոցից զինվոր է վիրավորվել. հնդկական մամուլը՝ ՀՀ մատակարարվող հրանոթների մասին. ԼՈՒՐԵՐ
Քաղաքականություն
10.11.2022 | 17:22
- Նոյեմբերի 10-ին՝ ժամը 10:30-ի սահմաններում, հայ-ադրբեջանական սահմանագոտու արևելյան հատվածում տեղակայված մարտական դիրքում հակառակորդի կրակոցից հրազենային վիրավորում է ստացել ՀՀ ՊՆ N զորամասի զինծառայող, շարքային Պ. Խ.-ն․ տեղեկացնում են ՀՀ ՊՆ-ից։ Վիրավոր զինծառայողի վիճակը գնահատվում է ծայրահեղ ծանր:
- Հայաստանը հնդկական ընկերությունից գնելու է 155 մմ տրամաչափի հրետանի։ Պատվերի ընդհանուր արժեքը կազմում է 155,5 մլն դոլար։ Bharat Forge ընկերությունը թեև չի հայտնել գնորդ երկրի անունը, ինչպես նաև արտահանվող զենքի տեսակը, սակայն ՊՆ աղբյուրները լրատվամիջոցին հաստատել են, որ գնորդ երկիրը Հայաստանն է։ Հայկական պատվերը ներառելու է 155 մմ ծանր հրետանային համակարգերի (MGS) չորսից հինգ գունդ:
- ՌԴ Պետդումայի պատգամավորներն այցելել են Ծիծեռնակաբերդի հուշահամալիր և ծաղիկներ խոնարհել Հայոց ցեղասպանության զոհերի հիշատակը հավերժացնող անմար կրակի մոտ, ապա այցելել Հայոց ցեղասպանության թանգարան-ինստիտուտ։ Պատվավոր հյուրերի հուշամատյանում` նշելով. «Խաղաղություն օրհնված Հայաստանի հոգուն եւ երկնքին»:
Այս ժամի լուրերը՝ տեսանյութում։
