30.06.2026 | 22:58
ԱԱ-2026. Հոլանդի գոլը Նորվեգիային դուրս բերեց 1/8 եզրափակիչ. ՏԵՍԱՆՅՈՒԹ
Սաակաշվիլիի մոտ տուբերկուլյոզ և դեմենցիա հիվանդությունների կասկածներ կան․ փաստաբան
Քաղաքականություն
08.11.2022 | 16:16
Վրաստանի նախկին նախագահ Միխեիլ Սաակաշվիլիի փաստաբան Շալվա Խաչապուրիձեն չի բացառել, որ քաղաքական գործչի մոտ կարող են ախտորոշվել ավելի քան 30 տարբեր հիվանդություններ, այդ թվում՝ դեմենցիա և տուբերկուլյոզ, գրում է ՌԻԱ Նովոստին։
«Խոսքը ենթադրյալ ախտորոշումների մասին է՝ դեռ վերջնականապես չհաստատված, սպասում ենք պատասխանների: Կասկածներ ունենք, նկատի ունեմ՝ դեմենցիա և 34 այլ հիվանդություններ, և այս ուղղությամբ աշխատանքներ են տարվում»,- ասել է փաստաբանը։
Սաակաշվիլին բանտում երկարատև հացադուլից հետո բուժում է անցնում Թբիլիսիի կլինիկայում, ուր տեղափոխվել է այս տարվա մայիսին։ Իրավապաշտպանները հայտնում են, որ կլինիկա ընդունվելու պահից Սաակաշվիլիի ինքնազգացողությունը վատացել է, նա նիհարել է 20 կիլոգրամ։ Նախկինում նրա ընտանիքի անդամները հայտնել էին, որ բժիշկները քաղաքական գործչին 17 տարբեր ախտորոշումներ են արել։
Միխեիլ Սաակաշվիլին ձերբակալվել է 2021 թվականի հոկտեմբերի 1-ին Վրաստանում։ Նրա դեմ մի շարք քրեական գործեր են հարուցված։
Տաթև Ֆռանգյան
