31.10.2026 | 22:55
Հայտնաբերվել է զինծառայողի դի. ՊՆ
Թուրքիան սկսել է ռուսական գազի դիմաց մասամբ վճարել ռուբլով
Քաղաքականություն
08.11.2022 | 16:08
Թուրքիան մասամբ անցել է ռուսական գազի մատակարարումների համար ռուբլով վճարելուն, ասել է այդ երկրի էներգետիկայի նախարար Ֆաթիհ Դյոնմեզը, փոխանցում է ՌԻԱ Նովոստին։
«Ինչպես գիտեք՝ պայմանավորվածություն է ձեռք բերվել, մասնակի վճարումն արդեն սկսվել է։ Մենք մտադիր ենք ակտիվացնել աշխատանքն այս ուղղությամբ»,- ասել է պաշտոնյան TRT Haber հեռուստաալիքին տված հարցազրույցում։
Նրա խոսքով՝ Անկարան և Մոսկվան տեխնիկական աշխատանքներ են տանում ազգային արժույթներով առևտրի ուղղությամբ։
ՌԴ և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը սեպտեմբերին պայմանավորվել էին, որ Թուրքիան գազի մատակարարումների 25 տոկոսի դիմաց կվճարի ռուբլով։ Հոկտեմբերի 12-ին ելույթ ունենալով Ռուսական էներգետիկայի շաբաթվա ընթացքում՝ Պուտինն առաջարկել է վերամղել տարանցումը «Հյուսիսային հոսք»-ից դեպի Սև ծովի տարածաշրջան և ստեղծել Թուրքիայի ամենամեծ գազային հանգույցը՝ Եվրոպա մատակարարումների համար: Էրդողանն իր հերթին հայտարարել է, որ հանձնարարել է արագ սկսել այդ գաղափարի ուղղությամբ աշխատանքը։
Տաթև Ֆռանգյան
